தலைப்பற்றவன்

அவனைப்பார்த்ததுண்டா நீங்கள் ?

முப்பது,முப்பத்தைந்து வருடங்கள்

முன்பு அவன் பிறந்திருக்ககூடும் !

உங்கள் தெருவில் ,ஊரில்

நகரத்தில் எங்கேனும் .

.

அவனைப்பார்த்திருப்பீர் நீங்கள்

அவன்தானவனென்று உங்களுக்கு

தெரிய வாய்ப்பில்லை .

.

நினைவு படுத்தி பாருங்கள்

"பழுப்பு நிற பற்கள்

செம்படைந்த தலை மயிர்

உள்நோக்கி வளைந்த கால்கள்

தரங்கிய உடல் "

அடையாளம்

.

மனப்பிறழ்ந்தவன்

உணவேயவன் தேவை

உங்கள் படிமம்

அவன்மீது

.

அவன் கனவுகள்

உடற்,மனத்தேவைகள்

அறிய விருப்பமில்லை ,நேரமில்லை

உங்களுக்கு .

அவனை மனித வட்டத்தினின்று

தூக்கி எறிந்திருக்கலாம் . (இல்லை )

அவனை மறந்தே போயிருக்கலாம்

பாதகமில்லை !!

.

என்றேனும் அவசரகதி வாழ்வில்

ஒருநாளவன் இறந்து போயிருப்பான்

அன்றும் நேரமிருக்காது உங்களுக்கும் எனக்கும் .!!!!

ஆகையால் புறப்பட்டுவிட்டேன் இதோ

.

அவனிருக்கும் போதேயவனுக்கு அஞ்சலி செலுத்த

"ஒரு உச்"

"இயன்றால் இருதுளி கண்ணீர் "

முடிந்தால் நீங்களும் வரலாம் ..........