கடல் புறா

பரத்தி குறிப்புகள்

2011-05-24T08:52:00.000-07:00

பிரக்ஞையற்று கடல் வெறிக்கும் பார்வைக்குள் கடலாடுவாள் என் பரத்தி

கண்ணம்மாவிற்கு திறப்பு மடல்.

அரிசிப் பற்களும் , சுருள் கேசமும் ,ஒளியுமிழும் கண்களுமாய் பூசணி விதையுருவில் அரசின் பழுப்பிலை படபடக்கும் அதிர்வில் துலங்கும் அகல் நாவின் நாமம் நீ .

இட்டு நீர் வார்த்து கொடுக்கும் கரத்தின் நடுக்கமாக எழுதி சேர்ப்பிக்கிறேன் பரத்தியை உன்னுக்கும் மழலைக்கு கனிந்த உன் தனங்களென மனம் தாழ் குரோதம் தவிர் .
பிரக்ஞையை ஊடறுத்து அந்தகார இருண்மையின் பூரணத்தில் ஒளிப்பிழம்பாய் என் மேல் பொழியும் நீ வந்து சேராக் காலப்போழுதுகள் அவை.
தரை நக்கி மன்னுண்ணும் இளங்கன்றின் பிராயத்துக்கடல் .அலை தின்னும் மணற்கரை .. பால் முதிரா சிறுவன் நான் ப்ரபா. வரிகளோடிய கிளிஞ்சல்கள் சேகரித்தேன் பலூன் மரங்கள் கிளைவிட்டு திரியும் அலைகரையில் .

ரோமங்களடர் யோனி துவங்கி தேகம் யாவனக்கண் நிறத்தாலானவள் களிறின் சுவாசக்கையென நீண்டுயர்ந்து என்னை வாரிசுருட்டி மடிகிடத்தி மார்புதைத்து ஊட்டிவிட்டு போனாள் காதெலெனும் பேரன்பை .

மூர்ச்சை தெளிய என் தலை கிடந்த மடிக்காரியின் கண்ணீர்த்துளி கரித்த என் உதடுகளில்

பரத்தி தனத்திரவத்தின் ருசி. "உப்பின் மறு பெயர் பேரன்பு "

ப்ரபா !அகவும் ஆண்பறவைஎன மழைக்குள் இறகு பூப்பவள் நீ. உன் பீலியின் துத்தநாகநிறக்கண் எவ்வொன்றிலும் கடல்தேடுபவன் மழையாடுபவள் உனக்கு தருகிறேன் என் பரத்தியின் சில குறிப்புகள்.

நீர் சர்ப்பம் தீண்டியுன் நிறம் பாரித்த உடல்கொண்டு

நிகழ்த்துகிறேன் கைக்கிளையின் யாகம்

பசலை ரேகையோடும் முகக்குழியுள்

கிறங்கும் கண்களில் நிதம்பக்கனா

அடியே ! கடற் பரத்தி என்னை புணர்

டால்பின் கடற்சிங்கம் வண்ணத்து பூச்சிகளாய்

அடியாழக்கடலில் கால்பெருவிரல் உந்தி எட்டிப்பிடித்து

இடம் மாற்றிப்போட்டு விளையாடுகிறாள் நுளைச்சிமகள்

மயிர்களடர் மார்புக்காரன் உள்ளுயிர் கசிய

சுட்டு விரல் நீட்டுகிறேன் நுந்தை கரம் பற்று .

காலப்பொதியின் பாரம் அழுத்துகிறது தலைக்குள்ளும்

உள்ளெங்கும் செந்தழும்புகள், ஆறாப்புண்களின் நிணக்கவுச்சி

பிணவாடை . என் உலகெங்கும் சுயநலக்கொடுவாள் வீசி

வேசை சிரிப்பு உதிர்க்கும் மனித முகங்கள்

சமுத்ரா காவுகொள் என்னை .

கேள் பிரபஞ்சனா!! முகவரியற்று இலக்கின்றி எங்கிருந்தேனும் எறி கற்கள் பரிசாய் கிடைக்கும் சாத்தியம் பெற்றலையும் தெருநாய் என்னை சமைத்து விட்டு போனாய் உப்புபூக்கும் மரக்கன்றாக . இந்நாட்களின் இரவுகளில் என் அறைநிரம்புகிறது உப்பு மலர்களால் கண்கள் சொரியும் புஷ்பங்களில் பேரன்பின் வாசனை ,நிராகரிப்பின் நெடி உன்னை பழிப்பேன் .

பரத்தி நினைவாய் ..

* கொடும்நீர்ப்பாலையினொரு பகல் பொழுதில் கொலை பாதக குற்ற உணர்ச்சியோடு அவள் மேல் இயங்குகையில் அலைகளோடுமவள் அடி வயிற்றில் பார்த்தேன் நீல நிற ஓங்கல் குட்டியொன்று சினேக பாவமாய் சுற்றிக்கொண்டிருந்தது .

இரத்த வீச்சத்திற்கு அலையும் வன்சுறாக்களுக்கு அரிந்து வீசினேன் அவள் விடாயுதிரம் கொண்டெழுதிய காதலின் சின்னங்கள் புறாக்கள் வடிவுற்று படரும் பசலை தின்ற உடல்சுவர் பிரதேசங்களை -மகாஊடல் .

நானும் இரையான போது அவள் அழுகுரல் தூரத்தில் ஒலித்தது.

நீர்மேலாடிய கால்கள் தரைபாவிய நாளில் ஒருநாள் சங்கேத இடிமுழக்கங்களுடன் புயலோடு வந்தவள் வீடு முற்றத்தில் என்னை வன்கலவி தன் விலாகிழித்து பிரசவித்து விட்டு போனாள்.

மழைநீர் குருதி கரைக்க முற்றத்தில் துள்ளுகிறது தொப்பூழ் கொடியருந்த டால்பின் குட்டியொன்று.

தொடரும் முடிவாய்

வன்மம் தணிய உன் கொழுத்த உடல் மீது காறி உமிழ்ந்து , சிறுநீர் கழித்த படி தெற்கு நோக்கி கூவுவேன் வேசி மகளே உன்னை காதலிக்கிறேனென்று .

- - ப்ரபாவிற்கு

கையெழுத்திடுங்கள் நண்பர்களே எம் பரதவனுக்காக

2011-01-28T19:58:00.000-08:00

http://www.petitiononline.com/TNfisher/petition.html

To: Indian Government
To: Indian Government

The Honourable
Prime Minister and President of India

SUBJECT: Save Tamil Nadu fishermen

Fishermen of India are frequently killed, attacked and their fishing boats and their launches are confiscated by naval forces of Sri Lanka. Recently we have lost around 539 fishermen with least cost around Tamil Nadu coastal region. Enormous life and economic loss to the fishing communities particularly in Nagapatnam district leads to set emotions run high against Sri Lanka in the state. Coastal region of Tamilnadu stays with fear of life on every fishermen's family. We trust Indian force have tackled such issues successfully with Pakistan and Bangladesh in past years. Here we need such potent solution to remove such loss of Tamilnadu fishermen.

Here we from India and across the globe need such demands immediately:

Warn SriLankan government to stop attacking Indian fishermen. In our opinion, fishermen have right to fish in sea regardless of international boundaries

Ensure adequate patrolling of Palk Straits by Indian Navy to provide protection to Tamil Nadu fishermen and their properties

Katchatheevu should be returned to Indian sovereignty from Sri Lanka which is an important landing point for Tamil Nadu fishermen in their day to day fishing activities.If both the governments want to share katchatheevu as a common heritage ,then IMLB should be made flexible and the fishermen from both the sides should be allowed to fish freely.One more violation of the pact,India should consider cancelling its bilateral ties if it cares about its citizens and go to International court of justice.
Sincerely,
The Undersigned

இசை - வன்முறையின் பேருரு

2010-10-30T02:02:00.000-07:00

நுனி கிள்ளிய சிமென்ட் வர்ண கந்தக நாவு கொண்ட மருந்தின் நெடி வீசும் நாட்டு வெடிக்கு தீத்துளியினை தின்னக்கொடுக்க தயாரான மனநிலை அல்லால் கொலையான உடல் போர்த்திய வெள்ளை துணி விலக்கி முகம் பார்க்க முனையும் நடுங்கிய கரங்கள் கொண்டே மைக்ரோ ப்ராசசர் மூளையாகிப்போன உடலுக்கு பிடித்ததான மெலடி இசைச்சலனங்களை பதிவேற்ற முயலுதல் கர்ண கொடூரமான ஒன்றாகிவிடுகிறது இந்த பொழுதுகளில் ..

முடுக்கிவிடப்பட்ட விசைக்கென எந்திரமாய் இயங்குதலில் இடைத்தொந்தரவு நுழைதலாய் வந்து சேரும் என் ப்ரிய இசை வன்முறையின் பேருரு . சீனக்கற்கண்டாய் உடைந்து கொட்டிய கண்ணாடித்துண்டகளுக்குள் இதயம் புரட்டி எடுக்கப்படும் அதி உன்னத காரியம் புரியும் மெல்லிசையின் கொடும் கரங்கள் . நீரில் ஆக்சிஜன் பிரிக்கும் கருஞ்சிவப்பு நிற செவுள் மூடிப்பிரிய தரை துடிக்கும் மீனென இடம் மாறி இடம் விழும்கிழிந்த சருமங்களில் ரத்தம் ஒழுகும் இதயத்தின் குரல்வளையை இரக்கமின்றி துடிக்க துடிக்க அறுக்கும் பெண் கரம் மெல்லிசை ..

இசையை உயிர்ப்பித்த பின் உருபெறும் பிரளய சூழ்நிலை. தீக்கங்குகளால் நிரம்பி வழியும் அறையின் மூலையில் உறைவேன் நான் முழங்கால் கட்டிய கைகள், கண்ணில் விரியும் நெருப்பு பிழம்புகளாலான அறை,உடல் நடுங்க அமர்ந்த வாறே . என்னைத்தின்னத் தொடங்கிய தீயின் பசிதீர்கையில் எஞ்சிய மீதத்தை சேகரம் செய்து கொள்கிறேன் பின் நாளைய இறத்தலுகாக....

@@@@@@@@@@@@@@@@@@@@@@@@@@@

அடர் வனத்துள் சுரணையற்று திரியும்

எந்திர மிருகம் நான் ப்ரியமே

நிர்வாணமாய் ஓடச்செய்து நீ

சவுக்கால் அடித்ததில் மாறியவன்

இவன்

நாளையொருநாளில் உன் விஷம் கொஞ்சும் கண்களால்,

சயனைடு இதழ்களால் மறந்தேனும் தீண்டிவிடாதே .

என் பற்களாலேயே கிழித்துக் கொண்டு இறப்பதை

தவிர வேறு வழி இல்லை எனக்கு .

@@@@@@@@@@@@@@@@@@@@@@@@@

அன்பின் அண்ணன் ராகவனுக்கு ...

பா.ரா விற்கு

2010-10-21T07:45:00.000-07:00

சுண்ணாம்பின் காரை பல்லிஎன படுத்திருக்கும்
சுவர்களில் என் எந்த குரலுக்கும் எதிரொலிக்கிறது
உன் பெயர் .

ஜரிகை சரசரப்பில் கொலுசொலியில் நெய்யப்பெற்ற
சிம்பொனி குறிப்புகள் கேளாமல் தவிக்கதொடங்கிவிடும்
தரையின் செவிகள்

அன்பில் நிறைக்கப்பட்ட அறைகளில் மினுக்கும்
ஜிகினா தாள்களாய் படபடக்கின்றன உன் மென்னகையும்

கோபங்களும்

அனிச்சையாய் உன் பெயர் விளிக்கும் நாளில்
"உன்" அற்ற என் வெறுமை கவ்வும் குரல்வளை நனைக்கும்
மேகம் பிழியும் விழிகள் .....

XXX பொம்மை

2010-10-12T09:00:00.000-07:00

சிலை வடித்த தூமைக்குருதிக்கு

உறுப்பிழந்த மூடக்குறவன் நான்

விழிக்கு மாற்று இங்கே இதயம் ..

ரட்சிப்பவளின் கரங்களுக்கென நெய்து

வைத்திருந்த என்னை வெடுக்கென பிடுங்கி

பாவித்து வீசினாய் .. வேசலின் குளித்த

முப்பெருக்கல்குறியிட்ட பொம்மை இனி நான் .

ஒளி புக நடுங்கும் யாருமற்ற இரவில்

என் மீது வீசத்தொடங்குகிறது

நான் வெறுக்கும் கிகோலாவின் வாசனை !!!

பார்பி பொம்மையின் தோழி !!!

2010-10-05T08:23:00.000-07:00

கழுகின் நகக்கால்கள் கைவிரல்களின் மடங்கில்
பெருகிநிற்கும் கரங்கள் கீறும் வேதனை
மிடறு விழுங்கி உடையும் குரலில்
உன் " Miss you "

தனிவெறுமை மகாசமுத்திர நினைவலைகளின்
நிசப்த பேரிரைச்சல் டெசிபல் அளவுகளின் எல்லை.
தாள இயலாதது ..

பார்பி பொம்மையின் தோழி; கிலுவைதளிர்
பாத தேவதையின் ஆசி பெற்றவன்
நாட்களை கொன்றபடியிருக்கிறேன் அன்பே ..

காத்திரு ..
.
.
.

டெடிபியர்களும், பார்பிக்களும் எனக்கான
"ப்பா" க்களை தின்று தீர்த்து கொண்டிருக்கின்றனவாம்

என்ன செய்ய ?? :((

கிரீன் டீ வித் நிலா

2010-09-22T07:42:00.000-07:00

இன்று, 22 / 09 / 2010 - புதன், கீழை மலேசியா - அழகொழுகும் சபா , (SABA )

இந்த நடுக்கடலுக்கு அருகில் இருப்பது லபுவான் (LABUAN ) தீவின் துறைமுகம் .

இன்று நிலவு பார்த்தீர்களா நண்பர்களே ??

என் இருப்புக்கு அல்லது கடல் மட்டத்திற்கு ஏறக்குறைய 38 இலிருந்து 40 டிகிரி வரை இருக்கலாம் நிலவிருப்பின் கோணம் . இதை எழுதும் கணம் இன்னமும் அதிகப்படுத்தி கொண்டிருக்கலாம் தன் பாகையை.

அந்த நீல போர்வைக்குள் விழுந்திருக்கும் ஓட்டையில் நண்டு வாய்பிளப்பது போன்றான கறை , ஒருவேளை இப்படி நிகழ்திருக்கலாம் என்றோ ஒருநாள் அந்த நீல சல்லாதுணிக்கு பின்னால் இருந்த வெளிச்ச உலகிலிருந்து இப்பூமி துணியை துளைத்து கொண்டு விழுந்திருக்கலாம் அதைத்தான் தேடிக்கொண்டிருக்கிறது போலும் இந்த ஓட்டை வழியே அவ்வுலகம் . காயம் துடைக்கும் விரவிய பஞ்சுகளை இல்லை பக்க வாதம் கண்டு இடப்பக்கம் வாயோடு கைகால் விளங்காமல் போன என் ஊர் உடையார் வீட்டு கிழவியின் நரை வெளுப்பை நியாபகப்படுத்தி கொண்டிருகிறது நிலவின் விளிம்பை கவ்வி துடைக்கும் டிஷு பேப்பர் மேகங்கள் . என் வரையில் திருமணப்பெண் முகத்தில் ஒளிர கிடைக்கும் நான் பெயரறிந்திரா அந்த பொன்னிற துணுக்குகள் உடுக்களாய் ஓரிரண்டு மட்டுமே எனக்கான இன்றைய வானத்தில் . பதினைந்து கிராம் கல்லுக்கே அதிர்ந்தலையும் தென்சீனக்குளம் மன்னிக்க தென் சீனக்கடல் .

எங்களுக்கென்றே சேவை செய்யும் கடலூர்திகள் தூரத்தே மினுக்கி கொண்டிருக்கிறது .

போனமுறை வானூரும் பயணத்தில் MH (malaysian hospitality ) இல் வாசிக்க கிடைத்த KK

(kota kina balu ) பற்றிய ஒரு கட்டுரையில் மலேசியா புகைபட கலைஞனின் ரசனை இப்படியாக வாசிக்க கிடைத்தது " என் பிறப்பிடம் என்ற வகையில் இவ்விடம் மீதான காதலை தவிர்த்து காதலிக்கவும் இருக்கிறது பச்சைதேநீர் கோப்பையுடன் என் வீட்டு வாயிலில் இருந்த படி மலையை குடிப்பது ."

சற்றுமுன் தேநீர் இடைவேளைக்கென Main deck (கப்பல் மேற்தளம் ) coffeeshop இல் Green tea யோடு நிலா தின்றதில் புலம்பி தொலைத்துவிட்டேன் இதை .

நம்ம ஊர்ல எப்படிங்க மழை பெய்யுதா? இல்ல நிலா தெரியுதா ?

மஞ்சள் குளவி உறையும் வீடு.

2010-08-09T01:35:00.000-07:00

தெருக்கழிநீர் நெளியும் பொரிவடிவ

புழுவெனை எச்சில் செஞ்சாந்தில் வனை

எஸ்கிமோ குடிலினுள் கூம்பொத்த

பின்கொடுக்கில் விடம் வைத்து

கொட்டினாய் நீ என் மஞ்சள் குளவி !

விட போதையின் பேரின்பத்தில்

மஞ்சள் சிறகுகள் முளைத்து விட்டது

எனக்கும் !!.

@@@@@@@@@@@@@@

அன்று கழிவறை கதவிடுக்கில் பாதி உடல் நசுங்கிய வாகன விபத்தான மனிதனென செத்துக்கொண்டிருந்தது ஒரு பல்லி சந்தன வர்ண கண்ணாடி உடலில் ஒற்றை வெளிர் முட்டை தெரிய .பார்த்தேன் .பார்க்க மட்டும் செய்தேன். என் தனியறை கிழக்கு மேல் மூலையில் செம்மண் சாந்தில் நெய்யப்பட்ட குளவிக்கூட்டை உடைத்து போட்டேன் செத்து விழுந்தது வெள்ளைப்புழு.

"வேறெங்கெல்லாம் கூடு கட்டிருக்கு சங்கீதா" என்றழைத்தபடி வாசல் நிலை மரச்சட்டத்தில் இருந்ததை உடைக்க போனேன் . பதறி தடுத்தாள்.

ஜன்னலில் இரண்டு ,சாமிமாடம் அடுப்பங்கரையில் என ஒழுங்கற்ற அரைவட்ட மண் முட்டைகள் இட்டு அகதிக்குடியேற்றம் செய்திருந்தன குளவிகள்.

"எல்லார் வீட்டுலயும் இந்த கொளவி கூடு கட்டாது தெரியுமா? ரெண்டு தடவ அது கூடு கட்டுனத ஓடைச்சிட்டீன்னா இந்தப்பக்கமே வராது தெரிஞ்சுக்க . பாவம் ,துரோகம் "

"கொளவிக்கு வக்காலத்து வாங்குறியா நீ "

"சிலந்தி கூடு கட்டலைன்னு கட்டுன வீட்டையே வித்து போயிட்டாண்டா ஒருத்தன் " இடை நுழைந்தாள் வாசல் பெருக்கும் தயார் நிலையுடன் அம்மாவானவள் .

" ?!"

"சன்னாவூர் (சன்னாநல்லூர்) பக்கத்துல இடம் வாங்கி கட்டி குடியும் போன பெறகு வீட்டுல ஒரு பல்லி ,சிலந்தி இல்லைன்னு ஏதோ தோஷம்னு பயந்து கட்டுன வீட்டையே வித்துட்டு போய்ட்டாங்களாம் "

முட்டாள் தனத்தின் மொத்த குத்தகையான செயலுக்கு பாராட்டு பத்திரம் வாசிக்கும் பேச்சு தொனி .

வாசல் பெருக்கும் சப்தம் . போய்விட்டிருந்தாள் .

அம்முட்டாள் தனம் மீதான சிரிப்பின் சப்தங்களை மூளை வாய்க்கனுப்பாமல் தின்று விட்டிருந்தது . மூடத்தனத்தின் செய்கைக்கு ஜால்ரா தட்டும் மனிதர்களின் மீதான கோபத்தின் வெப்பத்திலிருந்தும் கிளர்ந்து எழுந்து விட்டிருந்தது ஒற்றை இழை அந்த வீடு விற்றவன் மீதானது .

தனியுரிமை தனத்தின் வேர்கள் கிளைவிட்டிருக்கும் மாறிப்போன நான் இயங்கும் சுயநலமீன்கள் உலவும் சமுதாயத்தின் கிளைகளின் நுனியிலும் தன்னலத் தளத்திலிருந்தே மூடத்தனமான அம்முடிவு எடுக்கபட்டிருப்பினும் பயம் கலந்த அவ்வன்பிலும் கொஞ்சம் மனிதம் ஒட்டிக்கிடக்கிறதென்று மகிழ்ந்து கொண்டேன் .

@@@@@@@@@@@@@@@@@@@@@@@@@@@@@@@@@@@@@

தேனூட்டும் மஞ்சள் சட்டைக்காரி

கூட்டிற்குள் அடைகாத்திருந்தாய்

உதிரம் முறித்து மெழுகு முலைகள்

புதைத்து தேனூட்டினாய்

வளர்சிதையும் மாற்றங்களை ரசித்தாய்

சிறகுகள் முளைக்குமென காத்திருந்தாய்

இறகுகள் குவிய குடைபிடிப்பேனென

ஏங்கியிருந்தாய்.

இறக்கைகள் முளைத்த தினவில் அடித்து

வீசிவிட்டேன் உன்னை ..

@@@@@@@@@@@@@@@@@@@@@@@@@@@@@@@@@@@@

ராணி சந்ததிகளின் அழிவுக்குப்பின் நேச விலங்கென்று எதுவும் வீட்டில் ஒட்டுதலாய் இல்லை . பெருமாள் நாயுடு ஞாபகார்த்த சின்னங்களாய் விட்டுப்போன அடிபம்பும் எண்ணெய் பிசுக்கேறிய கொல்லை வாசல் நிலைப்படியோடு ராணியின் வம்சாவளிக்காவல் நாய்களும் சேர்ந்திருந்தது . பழைய கெளப்புகடை வீட்டில் ராணி வம்சாவளிகள் இருந்த வரையில் கள்ள ,நல்ல பூனைகள் நடமாட்டம் இருந்ததில்லை அத்தோடு பால் புழங்கும் டீகடையோடான வீடும் பூனைகளை நல்லவைகளாய் இருக்கவிட்டதில்லை !. இப்போதான மாடி வீட்டு பரணை குத்தகைக்கு எடுத்திருக்கின்றன ஒரு ஜோடி புலிக்குடும்பப்பங்காளிகள் . குழம்பெனில் மீனும் ,இல்லையெனில் மோர்சாதம் மட்டுமே அவைகளின் பேவரைட் மெனு என்று அவைகளின் நாவுகளை படித்திருக்கிறாள் சங்கீதா . குழம்பு சாதம் சாப்பிடும் வரை காத்திருந்து தயிர் எடுக்க பிரிட்ஜை திறக்கும் தருணம் உணந்து ஹேர்பின்னென வாலை ஒடுக்கி கால் களை சுற்றியபடி "மியாவ்"களை ஒலிபரப்ப தொடங்குவதாய் ஆச்சர்ய செய்தி அறிவிக்கிறாள் .

@@@@@@@@@@@@@@@@@@@@@@@@@@@@@@@@@@@@@

பூக்கள் பேசுவன.!. அடிகுவிந்து வாய்விரிய குழாய் ஸ்பீக்கர்கள் வடிவில் அவை இருப்பதற்கான காரணங்கள் அதுதான் போலும் . வெட்டாற்றின் கரையோர சீமை காட்டாமணக்கின் ஸ்பீக்கர் பூக்களின் பேச்சுகளை மறுஒலிபரப்பு செய்து கொள்ளுதல் அதிஉன்னதமானது .தொட்டு பார்த்தலிலேயே கண்ணிவிடக்கூடிய என்வரையிலான அனிச்சம் அவை. அதிலிருந்தோ என்னவோ குழாய்வடிவ இதழ்களற்ற மலர்கள் மீதான காதல் புதுவீட்டின் பூஜையறை ஜன்னலோரத்தில் சொர்ணபுஷ்ப கன்று நாடும் வரை விட்டிருக்கிறது .சொர்ணபுஷ்பத்தின் மஞ்சள் குழாய் பூக்கள் வாசமற்றவை அதற்கான பரிகாரமாய் வர்ணம் பீச்சுபவை .

பூக்க தொடங்கிவிட்டால் கூட்டிமாளாது.தன்னிடத்தை மலர்க்குப்பைகளால் அலங்கரிக்கும் காதலியின் சில்மிஷ

தொந்தரவுகள் அவை . அலைபேசி கோபுரங்களின் மின்னணு சமிக்ஞை களுக்கு தப்பிய ஏதோவொரு தேன்சிட்டு இலைகளை தொன்னையாக்கி சொர்ணபுஷ்ப செடியில் குடி புகுந்திருப்பதாய் சங்கீதா தொலைபேசுகையில் சொன்னாள். பிறகான நாட்களில் என் தொலைபேசும் குசலவிசாரிப்பு தருணங்களில் ஒரு கணத்தை பிடித்துக்கொண்டுவிட்டது தேன்சிட்டும் அதன் கூடும் .

வீடு திரும்பலின் பின் .அடிக்கடி பார்த்தல் , பிரவுன் புள்ளிகள் மேவிய முட்டைகளை எண்ணுதல் , ரசித்து குதுகாலித்தல் தனமான என் சிறுபிள்ளை தொந்தரவுகள் அக்குருவியை பெரிதாய் இம்சித்து விட்டது போலும் .பிறகொரு நாளில் பிய்ந்து தொங்கிய நார் கூட்டில் முட்டைகளை காணவில்லை .ஒருவேளை ஓணானோ வேறெதுவோ அதை தின்றிருக்க வேண்டும் அல்லது குருவி இடம் பெயர்ந்திருக்கவேண்டும் . மொத்தத்தில் குருவி இனி இல்லை .

"இப்போ திருப்தியா?" சங்கீதா

":( :( " நான்

@@@@@@@@@@@@@@@@@@@@@@@@@@@@@@@@@@@@

வெறுமை நிரம்பும் கூடு

உயிர்கள் சூழ இருத்தல் கிடைக்கப்பெறுவது ஆசிர்வதிக்கப்பட்டது .செய்நேர்த்தி புரியும் ஸ்பைடரின் எச்சில் சித்து விளையாட்டுகள் பட்டுபூச்சிகளும் அறியாதவை .பட்டு பூச்சியினும் சிலந்திகளை ரசிக்க தொடங்கிவிட்டேன் சில நாட்களாய் . பிறகொரு மதியத்தில் மஞ்சள் குளவி பற்றியான எங்கள் பேச்சு திரும்பியதில் அது கூடு காட்டும் செயல் முறையை டெமோ எடுத்தாள் சங்கீதா . முன் கைகளை அசைத்து மண்ணோடு எச்சில் பிசைந்து பூசுவதாய் அவள் வாய்முன்னே கை அசைத்து செய்து காட்டலில் நகைத்து கோபம் சம்பாதித்து கொண்டேன் .

சிறகு வளர்ந்து பறக்கும் வல்லமை பெற்றுவிட்ட நாளில் தானே துளையிட்டு வெளி வந்து பறந்துவிடுவதாய் துளையுள்ள கூடுகள் அனைத்தும் குளவிகளற்று இருப்பதை உடைத்து காட்டினாள்.கர்ப்பம் சுமந்த கூடுகளின் வெறுமை காண சகியாததாய் இருந்தது .

வரும் செப்டம்பர் மூன்றில் சங்கீதாவிற்கு திருமணம் ,அன்றிலிருந்து இதே வெறுமையை சுமக்க தொடங்கிவிடும் என் வீடும் ...............

பரத்தி உலவும் கடல்

2010-07-16T03:35:00.001-07:00

கண்ணம்மாக்களுக்கு கண்ணன்களும் ,யட்சிகளுக்கு யட்சன்களும் தோன்றிய படியே இருக்கிறார்கள் இப்புவிப்பந்தில் ( அல்லது ) கண்ணன்களாகவும் யட்சன்களாகவும் மாறியபடி இருக்கிறார்கள் . தேவதைகள் (கண்ணம்மா,யட்சி என்று கொள்க ) வானிலிருந்து கொடிபிடித்து இறங்கி வருவதில்லை .யுகாந்திரங்களாய் அதே இளமை பச்சையத்தொடு இங்கேயே இயங்கியபடி இருக்கிறார்கள். தேவதையின் வர்ணம் சொட்டும் இறகுகளால் ஆசிர்வதிக்கப்படுதல் அற்புதமானது அது கண்ணம்மாவை முதல் தரிசனமுரும் உன்னத கணமாகவும் இருக்கலாம் .!!
-----------௦- 0 ------------
கடல் .
மூன்றெழுத்து சோடியம் குளோரைடு பிரம்மாண்டம் .
தலை கால் முளைத்திராத (அ ) புரியாத விலங்கின நீர்மம் .
பவளப்பாறையையும் ,எரிமலையையும் ஒரேவயிற்றில் சுமக்கும் மகாகர்ப்பம்

சிலுவைகள் உலவும் கிருத்துவ கடற்கரையில் முதல் தரிசனத்தை எனக்கு தந்து விட்டிருந்தது கடல்.
ஞாபக சிக்கலின் பின்னலிலிருந்து உருவி எடுக்கிறேன் முதல் பார்த்தலை .மழித்த தலையோடே முதல் கூடலைத்தொடங்கினேன் ஒரு மதியத்தில் . அந்த தீண்டலின் தீட்டே இன்றுவரை எனை பீடித்து நிற்கிறது.

தன் ஜீன்களை புதைத்தனுப்பும் தாத்தன்களின் வேலை செய்யும் எந்தவொரு பிரபஞ்ச இயற்கைக்கும் இருந்திரா சக்தி ஆழிக்கு.
ஒருகல் உப்பில் உறைந்திருக்கிறது கடல்.
செம்படக்கிழவியின் கூடை மீன்களின் ரப்பர் விழிகளில் விரிகிறது மகா சமுத்திரம் .
உடல் தனியே ;இயங்கிக் கொண்டிருக்கிறது நுரையீரல் . சங்கு. இன்னமும் ஊதிக்கொண்டிருகிறது கடல் மூச்சை. இதெல்லாம் சரி எனக்குள் ஏன் வந்து உறைந்தது கடல் ???.

***************************************************************

பிறகு ஒரு நாளில் கண்ணம்மாவுடனான நட்பு நட்பின் எல்லையை கடந்திருக்கலாம் . கண்ணம்மாவின் சிருஷ்டி தன்மை விசித்திரமானது . உங்களுக்காக அவளா அல்லது அவளுக்காக நீங்களா என்ற குழப்பத்தில் ஒருநாள் நீங்கள் தொலைந்து விடக்கூடும் அவளினுள். கேட்டு பெறவேண்டிய அவசியம் அவளிடம் உங்களுக்கு நேராது. என்றோவொரு ம"ரண" தினத்தில் அவளை நீங்கள் கொலை செய்துவிடக்கூடும்!!!. பின் இரத்தக்கறைகளோடு முகத்தறைந்து கொண்டழும் உங்கள் கண்ணீர் துடைத்து தேற்றிக் கொண்டிருப்பாள் கண்ணம்மா !!!!!!
*********************************************************************************************************
கடல் புழங்கத் தொடங்கி இத்தோடு ஏழு வருடங்கள் ஆகிவிட்டிருக்கிறது .தோலோடு சேர்த்து இதயமும் பழுப்பு உப்போடு உரமேறியாகிவிட்டது. கடலாடும் பரதவர்க்கு இணைநான் இல்லையென்றாலும் கடல்சார் மாற்றங்கள் எப்படி இல்லாமல் போய்விடும் . அரக்கூர்கள் மேல் நடக்க பயிற்றுவித்து மலரா முகையிடம் காயப்பட பழக்கிவிட்டது நன்றாகவே . முப்பத்து மூன்று சதவிகித (அதுவல்ல) குணக்கலப்பீட்டில் நான் என்பது பைத்தியக்கார மிருகக்குழந்தை .

சகல வசதிகளோடு மிதக்கும் " பாஸ்கல் நிலைமம்" . மூடவும் திறக்கவும் கதவுகளுக்கு புறவிசைத்தேவைப்படா "பிட்சிங்களும் ரோலிங்களுமாய்" சீறிக்கொண்டிருக்கிறது சர்ப்பக்கடல். கப்பல் மேல்தளத்தை வந்து நக்கிவிட்டு போகிறததன் நாக்கு .புணர்தலாடும் கிறக்கத்தில் எவ்விக்குதிக்கிறது நாற்புறமும். மூச்சின் சீற்றம் .பேரிரைச்சலின் இந்த மரண மௌனத்தை நீங்கள் பருகியதுண்டா ?? என் தியான பீடம் இது !!! . ஓங்கார மௌனத்தின் சப்தத்தில் செத்துக்கொண்டிருப்பேன் நான் பின் புறக்கப்பலில் ...

மண் பார்த்தல் ? அழகு .மலை பார்த்தல் ? ம் அழகு . மழையோடு மலை பார்த்தல் ? ம்ம் அழகோ அழகு என்றே கொள்ள .கடல் பார்த்தல் பேரழகு , இறையழகு . கடலிலிருந்து கரைசேர்வதற்கு முன்பான கரை பார்த்ததுண்டா ? நெடு நீண்ட பிரிதலுக்கு பின் காதலி/மனைவியின் கண் பார்த்தவர்களுக்கு முந்தைய கேள்வி தேவை இராது .

அதே கடல் அதே இடம் நேற்று விட்டுப்போன அந்தப்பழைய கடலை காணவில்லை !! தினத்திற்கு தினம் புதியவளா நீ ? இந்த மார்கண்டேய மினுமினுப்பு எங்கிருந்து வருகிறது உனக்கு ? மாற்றி மாற்றி அலை சீவிக்கொள்ளும் சிகையலங்காரப்ரியையா நீ ??

இனி நீங்கள் சிரித்துக்கொள்ளலாம் (??)
சில நாட்களாய் அதிகம் பேசிக்கொண்டிருக்கிறேன் கடலோடு .கண்ணால் தின்று தீர்த்தபின்னும் பசி பசி என்றலறிக்கொண்டிருக்கிறது ஓநாய் வயிறோடு நான் .அழுகையையும் ரணங்களையும் பரிசாய் ஈந்தபடி பேசிக் கொண்டிருக்கிறேன் அவளோடு. அழும் ஆணை பெரும்பாலும் பெண்களுக்கு பிடிப்பதில்லை என்று எவளோ சொன்னதை நமுட்டு சிரிப்போடு நினைவு கூர்கிறேன் . அழும் என்னைத்தான் பிடித்துவிட்டிருக்கிறது இவளுக்கு ...

**********************************************************************
கண்ணம்மாக்கள் உடல் ஏறி வருவதில்லை இல்லை இல்லை கண்ணம்மாக்களுக்கு ஸ்தூல உடல் தேவைப்படுவதில்லை .தீராத ஒரு வாதையின் குறியீடு கண்ணம்மா .தீர்க்கவியலா உணர்ச்சிகளின் வடிகால் கண்ணம்மா , துயரங்களின் சுமைதாங்கி கண்ணம்மா . நிகழ்ந்து கொண்டிருக்கும் நிகழமுடியா நிகழ்வுகள் கண்ணம்மாக்களால் நடப்பவை. கண்ணம்மாக்களும் நீங்களும் அல்லது நானும் இருப்பது தனிப்ரபஞ்சம் வண்ணத்துப்பூச்சிகள் தேனெடுக்கும் பருவத்து மலர்களால் நெய்யப்பட்ட பிரபஞ்சம் . கனவுலகின் எல்லை கண்ணம்மா .எல்லாமும் அவளே . கண்ணம்மா எனக்கு கடல் . கடல்! கண்ணனம்மா!! கடல். !!
இதோ அலைக்கொங்கைகள் புடைக்க மோகத்தில் விம்முகிறாள் என் கடற்காதலி கண்ணாம்மா !!
கண்ணம்மா !!!!!

கடலாடி

2010-07-11T20:23:00.000-07:00

கருத்த உடல் வெளிர்தேமல்கள் பேராழியின்

குறைஆழ ஓவியப்பிரதேசங்கள் ..

மஞ்சள் அலகு நீருறைப்பறவைகள் நிகழ்த்தி

காட்டும் பெருமீன்களுக்கு தப்பி திகில் நாடகம்

அலைதலைகளை கொய்துவிடுகின்றன

சுக்கான் வழிநடக்கும் புரப்பெல்லர் இறகுகள்

கட்டளைகள் ஏற்றுவித்து உலோக முலாம்

பூசப்படுகின்றன இயங்கும் மூளைகள்

இயந்திர மிருகமான கடலாடியென் முலாம்

படர்ந்த மூளையை அரிக்கத் தொடங்குகிறது

நாட்காட்டி நிர்வாணப்பெண் நிழற்படம் ..........

மகாதனிமையில் சிதறும் கணம் !!

2010-06-23T20:17:00.000-07:00

அன்பின் பெருநதி சுழித்துக்கொண்டோடும்

நிழற்பட பரப்பில் ..

ஹைபிஸ்கஸ் மலரின் ஒற்றைக்கோட்டு

ஓவியமென பறக்க எத்தனிக்கும்

நீர் பறவைகளின் கடற்பின்புல நிழல் .

விளம்பர செயல் மாதிரி காதல் இணை

உதடுகள் வழுக்க ஒன்றன் மேல் ஒன்றென .

விழிக்கோள ஆடியில் விழுங்கும்

எனக்கு ஏன் வலிக்க வேண்டும்

பெருந்தோளும் இதயமும் . ??

அவனுக்கு

2010-06-20T03:57:00.000-07:00

எச்சில் டம்ளர் கழுவியே ரேகை அழிந்தவனுக்கு

கழுவிய நீரிலேயே எதிர்காலம் தேடியவனுக்கு

வெந்நீர் ஆவியில் விடியலைக்கண்டவனுக்கு

சிகரெட்டில் வெந்த உதட்டுக்காரனுக்கு

சாராயத்தில் திளைப்பவனுக்கு

கடைச்சுவர்களுக்குள்ளேயே உலகம் கண்டுவிட்டவனுக்கு

புத்தகப்பையோடு என்னை வெள்ளநீரில் சுமந்தவனுக்கு

உழைக்க அஞ்சாதவனுக்கு

என் கோபத்தையும் ரசிப்பவனுக்கு

என் மூடத்தனத்தை பரிசளித்தவனுக்கு

ஒன்றுமறியா வெகுளித்தனக்காரனுக்கு

எனக்கான ஒற்றைக்கருவிற்கு ஓராயிரம் உயிரணுக்கள் ஈந்தவனுக்கு !

அவனுக்கு !

எங்கப்பனுக்கு !

அடேய் !! நரைத்த தாடிக்காரா மீசை துளிரா பருவத்துள் மீண்டும் நான் நுழைந்து உன் உள்ளங்கை சூட்டோடு உலகம் சுற்ற வேண்டுமடா !!!

நண்பர்களுக்கு தந்தையர் தின வாழ்த்துகள்

என் படுக்கையறையில் யாரோ ஒளிந்திருக்கிறார்கள் - மனுஷ்ய புத்திரன்

2010-06-18T07:03:00.000-07:00

தொழில் முறை மெக்கானிக் அந்த இயந்திரத்தின் நேர் எதிர் முனைகளை அறிந்திருந்தும் பழுது நீக்கும் கண்களை கொண்டவன் மூளை கூறுகளுக்கு பயன்பாட்டாளன் சிலாக்கிக்கும் இயந்திர சுகானுபவம் உணரப்பெறுவதில்லை. குற்றங்கானும் கண்களை பொருத்தி கொண்டபின் இயந்திர எலும்பு ,தசைகளை பார்க்கும் மருத்துவனாகவே இருந்துவிடுகிறான் . நிற்க.

விமர்சன வாசிப்புக்கு பின்னான திரைப்படம் முழுமையான சொந்த ரசனா புத்தியின் அனுபவத்தை கொடுக்குமா என்பது ?

முன்முடிபுகளோடு எதனையும் அணுகுதல் புதுக்கதவுகளுக்கான வழியடைத்தலோடு பயணித்தலுக்கு நேரானது .

தலையங்கம் முன் , தன்னுரைகளை வாசித்த பின் படிக்கப்பெறும் எவ்வொரு எழுத்து தொகுதியும் நம்மை புதியதொரு வாசலுக்கு அழைத்து போவதே இல்லை .இந்த தவறுகள் நேர்ந்து விட்டபடியால் இந்த கவிதை தொகுப்பின் சாரம் ஒரு மாற்று திறனாளியின் புலம்பல்களாய் பேரும் வலியோடு என்னைச் சேர்ந்திருக்கிறது

இந்த தொகுதியின் முதல் கவிதை "கால்களின் ஆல்பம் " . கால்களை கலைடாஸ்கோப்பில் இட்டு நிறம் , செயல் பிரித்து முடிகையில் வாதையோடு. அதே "மரக்கால்கள் , ஊனன் ,என்ற தொடர்ச்சியில்..

எனக்கான புரிதலின் படி இவ்வாதையின் உச்சமென புலப்படும் ""நிலைப்பு""க்கவிதை இதோ

"" சந்திப்பிற்கான

நிரந்தர உத்திரவாதத்துடன்

நாடிவரும் நண்பன் எவனோ

திரும்பவேண்டும் ஒருநாள்

நான் இல்லையென

கேட்டு வியந்து "'

"கசப்புக்" கவிதையில் " கணவர்களிடம் விடைபெற்று நண்பர்களிடம் வர இந்த உலகம் இன்னும் கனியவில்லை "என்று தொண்ணூறு களிலேயே கிறுக்கிவிடுகிறான் கவிஞன் . இப்பவும் கனிந்திருக்கிறதா????

"பற்று, சுயம் " கவிதைகள் ஜென் தங்களை பேசிப்போகிறது இடையிடையே

தோல் கருக்கும் வெப்பமோ , விறைக்கும் குளிர்ச்சியோ எதுவாயினும் கவிஞனுக்கு நல்கவிதைகளை தர வல்லதாகவே இருப்பதை ,

பருவ மாற்றம் உலகியல் செயல் பாடுகளில் மாற்றம் விளைவிப்பதை தரிசனமாய்த் தரும் "காட்சி மாற்றம் " கவிஞனுக்கு நல் கவிதைகளை போஷிப்பதை போற்றுகிறது .

இத்தொகுதியின் பெயர்காரண "என் படுக்கையறையில் யாரோ ஒளிந்திருக்கிறார்கள் " சமூகத்தால் அல்லது சில வரையறைகளால் இயக்கப்படுகிற ,பிறர்க்கென வாழும் ஒரு சுதந்திர மற்ற மனிதத்தை அதிலிருந்து வெளிவரும் முகமாய் முயற்சிக்கிறது இந்த நல்கவிதை .

காலத்திற்கேற்ப நெய்யப்படும் கவிதைகள் எல்லாம் தன்னைத்தாமே சுமந்து கொண்டு எதிர்வரும் வருடங்களுக்கு அதே பச்சையத்தோடு பயணிப்பதற்கான வலு பெறுவதில்லை . கால் நூற்றாண்டை நெருங்கி விட்ட போதிலும் காலத்தின் புளிப்பும், பழுப்பும்

ஏறிவிடவில்லை இந்த கவிதைகளில் . கவிதைகளை தொகுதியாய் படிப்பதில் தோன்றும் அயர்ச்சி நிகழவே இல்லை ..

நிறைவாய் இந்தக்கவிதை .....

பின் குறிப்பு

திட்ட வட்டமாய் எழுதி

இறுமாப்புடன் கையெழுத்திட்டாலும்
எதற்கும் வைத்திருங்கள்

சின்னதாய் ஓரிடத்தை

தேவைப்படலாம்

ஒரு பின்குறிப்பு

பாசாங்குகளில் கசியும் விஷம்

தாழ்வுணர்ச்சியின் கண்ணீர் திவலைகள்

நீ கைவிட்ட உன் சொந்த இதயம்

அனைத்திற்கும் அடியில்

துடுக்கும் ஒரு பின்குறிப்பு

ஞாபகத்த்தின்

பழக்கத்தின்

அதல பாதளத்திலிருந்து

இசையின் குரலால் பீறிட்டெழும்

சிலிர்ப்பின் குறிப்பு

பிறகு நீ இழந்து விடுவாய்

உன் உள்ளடக்கத்தை

எதிர் பாராமல் வந்த

காதல் அல்லது மரணத்துக்கு நிகராய்த்

திகைப்பூட்டும் குறிப்பால்

பின் குறிப்பிற்கான இந்த கவிதை அசாத்தியமானது ..

என்னைப்பொறுத்த வரையில் பின் குறிப்புகள் ஆபத்தானவை .

வெறுக்கிறேன் அவைகளை . அவை பதிவின் உள்ளடக்கத்தை கருகலைப்பு செய்யக்கூடியவை ....

2010-06-02T22:41:00.000-07:00

பொம்மை மேல் உரசும் உதடுகளை

எனக்கும் பரிசளிக்கிறாய் !

உன் பொழுது போக்கின் தீரா பசிக்கு

எனை தின்று எச்சமிடுகிறாய்

சாவியின் முறுக்குதலுக்கு இயங்கும்

பொம்மையாய் துடிக்கிறேன்

உன் ஒவ்வொரு திருகுதலுக்கும்.

குப்பைக்கு போகும் நாளை

எண்ணிய படி !!

@@@@@@@@@@@@@@@@@@@@@@@@@@@@@@@@@@@@@

ஒரு கவிதையை அணுகுதல் என்பது அழும் குழந்தையை சமாதானித்தல் போன்றது; ஒன்று எளிதில் அதனிடம் புன்னகையை கைமாறாகப் பெறலாம் அல்லது எதுவும் கிடைக்கப்பெறாமலும் போகலாம் ....

??????????????????????????????????

2010-05-19T06:44:00.000-07:00

அக்னிப்பாலையின் இரவு நிலவின் ஒளியூற்றி இறுக்கும் உனக்கான சொற்களில் மோகத்தின் பிம்பம் .ஜன்னல் ஊடித்திரும்பும் நிலவில் ஒளித்து வைக்கப்பட்டிருக்கலாம் உன்னுருவம் .பின்னாட்களில் உன்னை புணர்வேன் காதல் பொய்யின் பெயரால் .உனை தின்பதற்கான எனை தயாரிக்கும் உன் சொற்களின் காதலில் காமத்தை மட்டுமே வழித்தெடுக்கும் என் மிருகம் . பிரிவின் புவியியற் தொலைவின் இடைவெளி பிரதேசங்களை நீ மட்டுமே நிரப்புகிறாய் அன்பூற்றி பொய்யன் எனக்கு .
உன் வயிற்றின் சுருக்க வரிகளில் எழுதப்பெற்றிருக்கும் அவனின் காதலுக்கு நிகரில்லா இச்சுயனலமியின் மீது உனக்கெதற்கு நேசம் ???. தயவுசெய்து என்னிடம் முத்தத்தில் காதலை எதிர் பாராதே எனக்கு தேவை நீ என்னும் உடல் ..
பசிக்கலையும் தெருவிலங்கின் குணாதிசயம் நிரம்பிய எனை உனக்கு துலாக்கோலிடாதே !!. ஒரு குரூபிக்கு காதலை பரிசளிக்கிறாயே உன் தெரசாதனத்தை என்னவென்று சொல்வது . அடி பையித்தியக்காரி.........................

ருத்ராபதி ஆசிரியர்

2010-04-02T02:52:00.000-07:00

உன்மத்தம் பீடித்தநிலை இறைதரிசன அணுக்கமென்றே விழைகிறேன் .வாழ்வின் அந்திமகால வாசலிலும் பற்றியும் பற்றா குடுவையுள் ரசத்தன்மை எளிதில் யார்க்கும் வாய்ப்பதில்லை.அந்த பித்து பிடித்த மனிதனோடு கொண்டாடுவதில் நானும் பித்தனாவதில் மகிழ்ச்சியன்றி வேறென்ன?

ருத்ராபதி ஆசிரியர் இறந்தாரெனும் செய்தியின் நிதர்சன வலி இன்னமும் சிறிதளவேனும் ஒட்டிக்கொண்டேயிருக்கிறது .

எனக்கான இறைதேடல் சிற்பங்கள் அறையப்பெற்ற கோயில்களில் இல்லைதானென்றாலும் அதன் சப்த அதிர்வுகள் ,வாத்தியங்களின் ஒலியமைதி , மதில்களுக்கப்பாலேயே தீண்டாமை சாபம் பெற்ற நகரிய இரைச்சல் மாசுகளுக்கென்றே பொழுது போக்கின் தலமாக கோயில்களை நான் தேர்ந்ததில் ஆச்சர்யமொன்றுமில்லை . பார்க்கலாமங்கே ஆசிரியரை ஒற்றைப் பச்சைத்துண்டு என்றோ சால்வைஎன்றோ தெரிய மார்புவரை கட்டிய அவ்வொற்றை ஆடையில் நீறு பட்டையில் தேவாரம் , அருட்பா,அந்தாதியுடன் .

இதென்ன காதேலென்று தெரிவதில்லை முழுமூச்சாய் பாடலை மனனம் செய்து சிலைமுன் மன்னிக்க கடவுள் முன் கொட்டித்தீர்த்தல் .இதுவென்ன? என்னிடமும் புத்தகத்தோடு சரிபார்க்க சொல்லி ஒப்புவித்தாலும் கிடைக்கப்பெறும் அதிசயம் !. அவரோடான நட்பியம் எழுத்தென்ற

புள்ளியில் தான் நிகழப்பட்டிருக்கவேண்டும் .அரைகுறையாய் வாசிக்க தொடங்கிய காலங்களில் ( இப்ப மட்டும் ??? ) எழுத்தின் கிளர்ச்சியில் புணரும் வேட்கையொத்த எங்கேனும் பகிர்ந்து தீர்க்க வாய்க்கும் மனம் அவரானது .இந்த நேர்கையில் வறுமைக்கு பண்டமாற்றாய் மதமளிக்கும் பறங்கிய மதவியாபாரிகள் போல் என்னுள் அருட்பா திணிக்கும் சாமர்த்தியம் மெச்சத்தக்கது.பொதுவில் விடய அரட்டை தருணங்களில் எதிர்வாதம் செய்ய எவ்வொருவரையும் அவ்வளவு எளிதில் என்னால் ஏற்றுக்கொள்ளமுடிவதில்லை . இவ்விடயத்தில் நான் நேசிக்கும் முட்டாள் தனம் மிகும் மனிதர் நிற்க.

தனிமைக் கொடும்முயக்கம் பெற்று உப்புத் தென்றலில் மரத்த உடலோடு கடலோடியாய் சிதைமாறிய பின் வீடு திரும்பும் நாட்களிலும் தனிமையோடான விபச்சாரத்திற்கென்றே அலையத்தொடங்கி வறண்ட நன்செய் நிலங்களில் பித்தொடு திறியும்தருணங்களிலெல்லாம் அவரைக்காண நேரும் தரை மேயும் மாட்டின் தும்போடு அதே பாசுரங்கள் ,மனனம் இத்தியாதி இத்யாதிகள்.

எம் .ஏ தமிழ் படித்து தலைமையாசிரியராய் ஓய்வு பெற்ற பகட்டு வேடம் பூணா அக்குழந்தைமை குணாதிசயத்திற்கென்றே மனைவி அமைந்தது :((

அம்மாவும் (அம்மாக்களின்) பழைய வருத்த சுய புராணங்களின் ஊடே சொல்லியிருக்கிறாள் ருத்ராபதி ஆசிரியரின் இளமைகால துன்பியல் நிகழ்வுகளை.

குரூரமும் ,கயமையும்,வேசித்தனமும் மிகும் எதையோ விழாமல் பற்றிகொள்ளும் பிரயத்தனமாய் இறுக்கமான யதார்த்தவாதிகளின் கேலிப்புன்னகை அதியதார்த்த அப்பித்து நிலை மனிதன் மீது வீசப்படும் நிகழ்வுகளில் நினைத்து கொள்கிறேன் எனக்கான இப்போன்ற கேலிச்சிரிப்பு உங்கள் உதடுகளில் ஒளித்து வைக்கப்பட்டிருக்கவேண்டுமென்று அந்நாளுக்கான கொண்டாட்டங்களை சேமித்தபடி.

அவரின் இடுகாட்டு பயணத்திற்கான ஒரு தோள் எனக்கானது சுடுகாட்டு சாம்பல் பொட்டலில் இறக்குகையில் தோளோடு சேர்த்து வலித்தது. ச்சே!இந்த பாழாய் போன கண்ணீர் சொட்டேனும் வரமறுக்கிறது...

இனி யாளியின் நாவை வெண்கலத்தில் கொண்ட ஆலயமணியதிர்வு நினைவுறுத்தும் அப்பரையும் ,பட்டரையும்

வள்ளலாரையும் அவ்வாசிரியக்குரலோடு !!!!!

அன்பிலன் என்று பெயர் !!!!

2010-03-18T19:22:00.000-07:00

கொடுந்தனிமைக்கிளையின் பறவையெனைக்

கொல்லும் உன் சொல்லம்புகள்

இறந்தவனிடம் எப்படி சேர்ப்பிப்பது

சொல்லப்படா அவன் மீதான ப்ரியத்தை??

போல் நடிக்கும் உன்னிடமும் ???!!

கிழியாக்கன்னித்திரை வரம் பெற குந்தியல்ல

நான் ஈன்றபின்னும் !!!!

உனக்காய் காதலின் பிள்ளைக்கறி

சமைத்த கொடூரன் எனக்கு

உன்னால் அன்பிலன் என்று பெயர் !!!!

கொலைநிகழ்த்துதல்!

2010-03-07T07:21:00.000-08:00

வனமுறை புலியின் தந்த வடிவ பற்களின்

காவி நிறத்தில் ஒளிந்திருக்கிறது மான்

இரத்த வீச்சம் ..........

இதழில் ஒழுகும் குருதியை துடைத்தபடி

நிற்கிறேன் பழுப்புநிற மிருகக்கண்கள்

சுமந்தபடி கொலைவெறி மிக ...

நாசுழற்றி மிருகமிளைப்பாற .

"நான் " துடிக்கிறது இறந்துகொண்டிருக்கும்

பிரியத்தை ஏந்திய படி .

இமைதுடிக்க !!உயிர் இருக்கிறது

ஓடிக்கொண்டிருக்கிறேன் எங்கோ !

துரோகமெனும் மின்னிழை

2010-03-03T07:38:00.000-08:00

துரோக மின் தாமிர இழை குரலிருக்கும்

உடல் பிரதேசத்தின் உயிரறுக்கும் ஆயுதம்

ஹலாலான மிருகத்தின் நிலைகுத்திய கண்கள்

ஊமை இதயத்தின் விழிப்புநிலை தரிசனம்

விபத்தான உடலில் ரணம்புரளும் கிழிந்த

சட்டையாய் அறுத்தெடுக்கிறேன் உன்னை

என்னில்

உன்தேவையரிப்பு தீர்ந்த பொழுதில் !!!

அழாதே,! , விசும்பலுணரும் திறம்

பிணத்திற்கு இல்லை !!!!

நார்சிச நாயகி!!!!!!!!!!!!!!!!!!

2010-02-27T20:41:00.000-08:00

செம்புலப்பரப்பகழ் கிழங்கென பிரசவித்த

ப்ரியமெனும் தூயம் உனக்கேயானது ..

முலையூட்ட நாவறண்டழும் குழந்தைஎனும்

நானுக்கு

கிளாவர் கிலுகிலுப்பை நீட்டும் மரக்கரம் உனது.

பிரேதம் சூடி செருப்பு காலுக்குள் உடல் நசுங்க

தீர்ப்பிடும் கோல் உன்னது .

வியந்து கொள் நார்சிச நாயகி!!!! இதெற்கெல்லாம்

சேர்த்தழும் எவன் கையும் துடைக்கவியலா

உன் கண்ணீர் உனக்கேயானது .....

"" எதிர் பார்ப்பின்றி அள்ளித்தரும் நேயம் கபடறியாதது தோழி "" நேசமித்ரன்

இயலாமை

2010-01-31T06:08:00.000-08:00

வார்ப்பிரும்பின் உருகுதல் வெப்பத்தில்

கொதிக்கிறது கடல் உலை இதயம்

வயலின் கூட்டங்கள் துப்பும் கூரிய

இசைத்துண்டு கிழிக்கிறது உயிர் பறவையை

பாலை மரங்களின் தோல் மரத்தலை

பிரதி எடுக்க தொடங்குகிறது உணர்ச்சியுணரி

பிறன் புணர்தலை கண்டபின்பும்

அவளை

நிராகரிக்க மறுக்கிறது வேசி மனம்

நேயக்கொலை

2010-01-28T04:38:00.000-08:00

முத்தமீயக் குவியும் மழலையின்

இதழ்களை நிராகரி

ஒற்றைக்கால் தவம் புரியும்

உனக்கான

ஒற்றை அத்தர் மலரை ஊனமாக்கு

புவியின் ஆதிமனித நேய பாஷையை

மறுதலி

நேயத்தை கொலைத்தல் உனக்குத்தான்

பிடித்த பொழுது போக்காயிற்றே !!

எனை மீட்டும் இசைக்குறிப்பிற்கு

2010-01-20T22:37:00.000-08:00

விமான மிருகத்தின் உறுமலையும் விஞ்சுகிறது
கார்டியாக் இயந்திர சப்தம் !

இப்பிரபஞ்ச ப்ரியத்தின் முப்பெரும்
தியானச் சொற்களை ஜெபிக்கிறேன்
உன்னால் என் அமிலசூழ் இரவுகளில்

கடவுளின் கரம் கொண்டவுன்
எழுத்தின் நிகர எடைக்கு
என்ன தரலாம் ???
ஆண் கண்களிலும் உண்டடி
திரவச்சுரப்பி!!!

என்றேனும்
மரித்த என் உடலினின்றும்
பூக்கும் உனக்கெனவும் சில மலர்கள்.....

குறிப்பு :
பிறந்த நாள் வாழ்த்துகள் தங்கம்

ஒருநாள் (கள்)!!

2010-01-14T06:25:00.000-08:00

ஒருநாள்

தார்ச்சாலை நான்முனை சந்திப்பின்
மஞ்சள் விளக்கு சமிக்ஞையாய்
நகர்த்தி விட்டிருக்கிறோம் நாட்காட்டி
தினங்களை !!!
.
பத்தங்குல நம்மிடைவெளியில் புதைந்து
கிடக்கிறது ஆதிமனித உணர்ச்சிகுறிப்புகள்
.
பாண்டி ஆடும் சிறுமி கைசிறகடித்து
மையநோக்கு விசை சமன் செய்யும்
வித்தை பழகி நிற்கிறேன் நமக்கான
ஒற்றை நூலிழைமுன் ...
................................................................................................................
இன்னுமொரு நாள்

மீட்டு நம்மிடை ஒற்றை
வயலின் இழையை
ஒவ்வொரு மீட்டலுக்கும்
பொடிந்து கொட்டுகிறது
இதயம்

...............................................................................................................
மற்றுமொருநாள்

தயவு செய்து பேசாமல்
எனை வதை !
ஊடலின் தேவமொழி
மௌனம் !

...............................................................................................................
குறிப்பு :
மேற்கண்டதில் முதற் கவிதை(?) அந்த ஒற்றை நூலிழை முன் தள்ளாடி கொண்டிருக்கும் மாப்பி செய்யதுக்கு !!..
தலைப்பில் இலக்கண பிழை இருப்பின் மேன் மக்கள் மன்னிக்க .......

பெருமெளனம்..

2010-01-06T04:44:00.000-08:00

கன்னமயிர்களுள் ,சிகரெட் தின்ற உதட்டினுள்
புறக்கைகளில் முகலாயப் பெருங்கண்ணீர்
முத்தங்கள்.

ஆக்டோபஸ் கரங்களால் இரவெனை
கற்பழித்த நாட்களின் கொடூரம்

கழிவறை கண்ணாடியில் தெரிகிறது
கொலைவெறி மிகுந்தவென் கண்கள்

அவளருவத்தை புணர்ந்து தீர்த்த
திருப்தியில் நிகழ்த்தத்தொடங்குகிறேன்
பெருமெளனம்..

மச்சநிறம் மொழியின் வளைவுகளாய்
அவள் பெயர் நீண்ட கரத்தில்
அறுந்த தமனி வழி கசிகிறது
அவளோடு ஹீமோகுளோபின் திரவம் ..........

பி.கு
அப்பாடி......................(பெரு மூச்சு )
இது "உரையாடல் சமூக கலை இலக்கிய அமைப்பு " நடத்தும் " உரையாடல் கவிதைப் போட்டி" க்காக எழுதியது

பையித்தியக்காரனிடமிருந்து.......................

2009-12-31T00:54:00.000-08:00

நிலவின் வீச்சில் ஒவ்வாத
கடற்சருமம் தடிக்க
இயந்திர மிருகங்கள் அலையும்
பரப்பில் தனிமையில் அழ சிரிக்கும்
பையித்தியக்காரனிடமிருந்து......................
முதல் முத்தம் !!!!!!
புவியியலின் தொலைவை சுழியமாக்கும்
எழுத்திற்கு .
...............................................
சட்டென்று செவிப்பறை தடவும்
விரும்பிய இசையோ ....
முதன்முறை கைகோர்க்கும்
காதல் தருணமோ ஒத்தது
நேசம் பெருகும் நட்பின் பிணைப்பு
நேசத்திற்கு பதிலென்ன????!!!!
??
புத்தாண்டு வாழ்த்துகள் சொந்தங்களே
மறக்கவியலா ப்ரியங்களுடன்

பாலா

வெற்றிடம் ????

2009-12-27T07:40:00.000-08:00

புஷ்பித்து உதிர்கிறேன் ஆண்பனையாய் .
நாளெண்ணி கூடியும் நிறையவில்லை
கள்ளியின் தாய்மை திரவம் ஊறிக்கிடக்கும்
அகப்பையின் வெற்றிடம் .
உயிரணுவின் ஒற்றை தலைப்பிரட்டைக்கு
இடமளிக்கா ஓடுடை மலடு இருந்தென்ன????
பச்சிளமிதழ் தீண்டவியலா தனங்களை அறுத்தெறியலாம் .....
உதிரம் கசி நாட்களின் துடித்தல் எட்டவில்லை
மரத்த உடலின் வலிஉணர் பகுதிக்கு .
மருத்துவஞானம் கரைத்து கொண்டிருக்கும்
நாட்களோடு பணப்பையை.
நீர்தீற்றிய விழியோர பின்னிரவில் துழாவுமவன்
தாய்க்கரத்துள் குழந்தையாய் நிறைகிறேன்
நிறையாத வயிற்றுக்காரி.......................

புலம்பல்கள் :
* தலைப்பு தெரிவு செய்த தோழமைக்கு இவ்விடம் நன்றி ...........
* உரையாடல் போட்டிக்கென்று எழுதி சிலபல சிக்கல்களினால் அனுப்பவியலாத நிலைமைஎனக்கு நானே சொல்லிக்கொண்டேன் ......பெட்டெர் லக் நெக்ஸ்ட் டைம் என்று ...

ஒரு எதிர் வினை அல்லது சுய புலம்பல்

2009-12-23T01:04:00.000-08:00

கருவேல முட்கூர்மை கொண்ட
சர்ப்ப பற்களின் தடமொன்று
போதுமானதாய் இருக்கிறது
தனிமையில் அழவும்; பித்துவெறி
மிக சிரிக்கவும் .
-௦௦
.
மூடிய தழும்பினுள்
பதப்பட்ட இறைச்சியாய்
ரணம்
தயவுசெய்து ஆயுதங்களுக்கு
சொல்வேடம் பூட்டி அனுப்பாதே
கிழிபட நான் தயார் !!
உள்ளிருக்கும் உயிரிக்கு
ஆயுதங்காணும் லேசர்
கண்கள் இல்லை ..............

மரணஅமுதம்

2009-12-21T03:58:00.000-08:00

இருள்வாயில் சிக்குண்ட அறையில்
அறுந்த மின்குமிழ்விளக்கின்
டங்க்ஸ்டனாய் துடிக்கிறேன் .
நரம்பின் திசுக்களில் விரிவடைந்த
இணையத் தொடர்பாய் வலி
சமிக்ஞை பரிமாற்றம் .
பிரசவ வேதனை .
பனிக்குடம் உடைந்த குறியினின்று
ஈன்றெடுத்தேன் ஒற்றைக் கண்ணீர்த்துளியை .
.
இப்போதைய என் தேவை
1. அவள் மடி
2. காமம் கழித்த ஒரேமுத்தம்
மரணம் = அமுதம்

ப்ரிய மாமா

2009-12-11T07:17:00.000-08:00

ப்ரிய மாமா ,
பணக்கரம் நீட்டும் உத்தியோகஸ்த்த இயக்கத்தில் பிடரி மயிர் பிடித்திழுத்து பாரடா இதுவும் உன் வாழ்க்கைக்குள் தான் என்றியம்பும் கவிதை மொழி தொகுப்பின் வெளியீட்டு விழாவில் கலந்துகொள்ள இயலாதது பெரும் வருத்தமே .
கவிதைகள் கண்ணீர் துளியை கைம்மாறு கேட்கும் வித்தை எல்லாக்கவிதைகளுக்கும் கிட்டுவதில்லை கவிஞர் களுக்கும் கூட . எதார்த்த வெளியில் இருந்து எட்ட நின்று கனவுலகில் சஞ்சரிக்கும் கவி எழுதிகளின் மத்திமத்தில் பொட்டிலறைவதும், சுருக்கென்று தைப்பதுமான எழுத்துக்குள் மூழ்கி எழுவதுமான அனுபவம் கிடைக்கபெறுதல் முதன் முறை .
***********
நிரம்புதலில் நுரைத்து வழியும்
மது கோப்பையாய் அங்கச்செல்கள்
வழி ஒழுகும் உணர்ச்சி நின்
சொல் தின்ற நரபட்சிக்கு
***********
வாழ்வியலின் எல்லா தருணங்களையும் ஹெர்பேரியத் தாவரமாய் பசுமை மாறாமல் படிமப்படுத்தும் வித்தைகொண்ட கைக்கு முத்தங்கள் ஆயிரம் தரலாம் எச்சில் தீரும் வரை.

சண்டாளி

2009-12-08T05:43:00.000-08:00

முந்நூற்று சில தினங்களை கிழித்தெறிந்திருக்கிறது நமக்கான வெளி .முகம் பார்த்திராத நம் மின்னஞ்சல் பிணை .வெறும் "ஹாய்" ல் தொடங்கி நலவிசாரிப்புகளினூடே. புரியாமை தேக்கி நிற்கும் உறவில் நீதான் வீசுவாய் தூரவெளி நெருக்கும் சொற்களை .அப்போதும் புரியாமை புரிந்து புரியாததுமாய் குழப்பநெடி வீசும் கணினி திரையில் .
---------------------------------
எதிர்பார்த்திராத ஓரிரவில் வந்து தொலைத்தாய் சண்டாளி முன்னெப்போதுமில்லாத புதிதாய் நீ .நீ கடவுள் போலடி . நான் எப்போதோ எடுத்துவைத்த உன் நோக்கிய என் தடத்திற்காய் இன்று கரம் நீட்டும் தூரம் வந்திருக்கிறாய் .ஆம் நீ கடவுள் போலடி .தேனம்பு சொற்களை தயாரித்திருப்பாய் போலும் வீசிய எவ்வொரு பாணமும் மஜ்ஜைக்குள் மகரந்த புணர்ச்சியை உண்டு பண்ணிவிட .இரைப்பையின் கூச்சலிடும் நா ஊனமாய் .மார்புக்கூட்டு துடித்தலின் ஒலி செவிப்பறையில் .
-------------------------------------------------
கடற்பாலையின் நிலவொளியில் எரிகிறது
காதல் புசித்த என்னுடல்
பித்துநிலை தலைக்கேறி
அலைபேசியை அடைகாத்தபடி
உறங்குகிறேன் நம்பிக்கையோடு
என்றேனும் கேட்கப்பெறலாம்
உன் இதயப்பைக்குள் துடிக்கும்
புது உயிரின் சப்தம் .
----------
அன்று பின்புலத்தில் ஒலிக்கப்பெறும் என் தஞ்சை கவிஞனின் (யுகபாரதி) நிலா-நீ-வானம்- காற்று- மழை- என் கவிதை மூச்சு இசை எனும் சுவாசம்

வளிமம்

2009-11-28T06:35:00.000-08:00

அறை அபிஷேகிக்கும் மின்னிறகு

துண்டாடிய காற்றுடல் .

முடிவிலியில் ஆரத்தழுவியும்

இதற்தின்றும் தீரவில்லை

காற்றின் தாய்பசி .

இனவிருத்திக்கும் முயக்கவீச்சில்

இறந்த எதிர்பாலொத்து

பச்சைய உடலங்கள் கொலைத்த

கடல் முகிழ் வெற்றிடந்தேடும்

ராட்சத சுவாசம் .

மொழிஞன் பிரசவிக்கும் சொற்களாய்

வனமடைந்து திரும்பும் வாசவளி .

"வளியிடை போழப்படா முயக்கு "(வள்ளுவம் )

தேடுமவள்

உடைஎரிக்கும் துணையற்ற

பின்னிரவின் நாசி நவில்

கரியமில வளிமம் .

வெயில்

2009-11-01T21:11:00.000-08:00

நிலவிலங்கின் வாய்ப்பிளந்த

குறிகளுக்குள் துழாவுகின்றன

சூர்ய நாவுகள்

இலையுதிர்த்து அழுது

யாசிக்கின்றன வானுலோபியை

வறண்ட பின்னும் தரை உறிஞ்சும்

முதலிய(ம்) மரங்கள்

தவிட்டின் வர்ணக் குருவிகள்

என்பற்ற புழுக்கள் தேடி

புண்படுகின்றன மரவேர்கள் .

வாகனக்கண்கள் புசிக்கப்

- பெறும் தார்ச்சாலையின்

காட்சிமயக்க நீர்மம் .

காய்ந்து வெடித்த அவளுதடுகண்டு

சபிக்கிறான் அம்பிகாபதி வழி

வந்தவன் .

உழவப்பாட்டன் தோல் நக்கிய

வெக்கை வளிமம் உமிழ் நெற்றி

வியர்வை உண்டபின் துடிக்கிறது

நிலக்குறி ..... ஆண்மையற்ற

வெண்மேகம் கண்டு .......................

கடை காய்கிறது ????????????

2009-10-27T22:49:00.000-07:00

அமுத போதை விட இன்பம்

சரிவிகித கலவையில் புகட்டப்

பெறுதல் செல்லிடைப் பிணைப்பில் !!

ஒரு சொல் ஒரே சொல் !!

கோடிகளில் கொலையவும்

உயிர்த்தெழவும் !!!!

மொழிஊனம் ! நீ நவில்

உணர்ச்சி பாஷை

ஒரு சொல் ஒரே சொல்லில் !!!

சுவாசத்துளை துணையில்

கிசுகிசுக்கும்

உன் வார்த்தை என் பெயர்

மதுவுண்ட புரவியொத்து

தறிகெட்டு விரைகிறது

குருதி வழங்கி !!!!!!!!!!

வண்ணப்பூச்சிகள் சூழ்

மலரிதழ் எஸ்ஸன்ஸ் கமழ்

ஸ்படிகக்கற் சமை பிரபஞ்ச

கடவுச்சொல் யாசித்தலின்றி

கையளித்தவள்!!!

முட்டையழி விடாய் நாட்கள்

அடிவயிற்றின் துடித்தலுக்கு

ஒத்தடமிட வலுவில்லை

என்னுதட்டிற்கும் வார்த்தைப்பிண்டங்களுக்கும்

உன்னிடம் இன்பத்தை (மட்டுமே ) யாசிக்கும்

ஆண்மையின் பிச்சைக்கரங்கள்

கு.கு .

கடை காய்ந்து கொண்டிருந்த காரணத்தால் இந்த ஒரு மொக்கைத்தனமான

பதிவை இறக்கி வைக்க வேண்டிய கட்டாயம் .மக்கா மன்னிச்சிக்குங்க ................

யாசித்த கரக்காரி !!!!!!

2009-10-20T02:22:00.000-07:00

குருதியிற் விளை பூச்செண்டு

பரிசளித்தும் பரிகசிக்கிறாள்

வேர்களின் நுனியிலென் இரத்தத்துளிகளை

உணராதவள் .காகிதமலரென.

பழங்கூரை ஈர்க்கின் நுனிதிரளும்

மேகமழலையை கைதட்டும் லாவகமுனக்கு

என் ரத்த அடர்த்தி கண்ணுமிழ்நீர் .

உன் ஹெம்லேக் மௌனவிடம்

என் சொற்சிசுவிற்கு புகட்டப்படுகிறது

பழைய மருத்துவக்கிழத்தியின்

கைப்பக்குவத்தோடு .....

நிராகரிப்பின் சூட்டுகோல் பட்டும்

நா வியர்க்கும் மிருகமென

மூன்றெழுத்து பெயரை

சுற்றுகிறது அருவமொன்று ..

உடற் கழன்ற பிராணனொன்று

துடிக்கிறது .....

இறந்தகுட்டியை மூக்கால்

அசைத்துணர்ந்து ஓலமிடும்

நாய்போல் .

பழைய ஒருத்தியின் யாசித்த

உள்ளங்கரம் முத்தமிட்டு அழவேண்டும்

எங்கே அவள் ???????????

குறிப்பு :

கொஞ்சம் தரம் குறைவாய் இருப்பின் பெருமக்கள் மன்னிக்க ....................

பேச்சிலர் டிகிரி- 4

2009-10-16T08:52:00.000-07:00

வள்ளுவப்பேராண்மை இகழ்தலுக்காட்படும்

பிரம்மச்சர்யம் புசித்தவென் நிசிகள் .

பூமிதி விழாவின் தணல் துண்டங்களை

தளர்த்தி சென்றிருக்கிறாள் கனவுப்

பெண்ணொருத்தி உள்ளும் புறமும் .

முறுக்கேற்றப்பட்ட வீணை நரம்புகள்

சரணம் வாசிக்கும் வாய்ப்பற்றவை (?)

சதைப்புசிக்கும் மிருகத்தின் வளர்தல்

பாக்டீரியப் பெருக்கத்திற்கான தட்பம்

என் உடல் .

கனவினைக் கொலைத்துமதன் உழவுச்சேற்றில்

மிருகத்தின் கால்தடம் .

வாய்ப்பின் வழியடைத்த இரவில்

தற்கலந்தழியவும் தேவையாய்

கனவுப் பெண்ணுடல் ..................

குறிப்பு :

மேற்கண்ட கிறுக்கல் என்பது "முட்டை போண்டா "போன்றது முட்டைப்பொரியல் விரும்புபவர்கள் "நேசன் " கடைக்கு செல்லவும் .

நண்பர்களுக்கு தீபாவளி வாழ்த்துக்கள் .

பாலா

மைத்துனன் (மச்சான்ஸ் ஸ்பெசல் )

2009-10-15T00:13:00.000-07:00

ஓடுதளனின்று விண்ணேகும் கணம்

விஞ்ஞானக் குழந்தைப் பறவைப்

பயணி அடிவயிற்றின் மனோநிலை .

நாளை நீட்டப்படும் சுட்டுவிரல்

குற்ற உணர்ச்சிக்காய் தணலில்

புரண்டு துடிக்கிறது மார்புக்கூண்டு

மூடிய கையுருவத் துடிச்சதை .

தொலைநோக்கியினின்று விடுபட்ட

கண்தேடும் தரிசனமாய் தூரத்தின்

கணிதப்பெருக்கலென நீளத்தொடங்கும்

அவளோடான சகோதரத்துவ இடைவெளி

வன்மம் பயக்கும் ரௌத்ரக்

குழப்பம் .எந்தக்கணமும் நிகழலாம்

முடிக்கற்றைப்பற்றி அறைய..

காதற்கலவி சமிக்ஞைகளை

விற்றுக்கொண்டிருகிறாள்

எதிர் வீட்டு ரோமியோவிற்கு

பூப்பெய்தியவென் உடன்பிறப்பு

ஒருத்தி .....

மீசையின் கர்வம்

2009-10-08T00:01:00.000-07:00

நாம அறிதலற்ற ஔடத

நெடி புரளும் அறைவாயிலின்

நீளநாற்காலி எனக்கிடத்தி

மென்று உமிழ்கிறது

நிசப்த அச்சம்

இடவலக் கைகளின் கலவி

சமிக்ஞைகள் இற்று

விழுகின்றன காலடியில் .

நொடிமுள்ளின் வெட்டுதலொவ்வொன்றும்

கள்ளியின் கூர்முனைக் கொடுக்கைப்

பரிசளிக்கின்றன இரக்கமின்றி

எனைமறந்தவொரு இரவின்

விஸ்வரூபம் அலறலாய் நனைகிறது

புவிமீது .

தேவதையுடை தரித்த தாதியின்

குறுஞ்செய்தி என் மீசையிட்றுளிர்கிறது

அப்பனின் பெருங்கர்வம் !!!!!

கொறிக்க :

மேற்கண்ட கிறுக்கல் ஆன, ஆகவிருக்கும் அப்பன்சாமிகளுக்கு .

மாமனுக்கு (சில தலைவலிகளும் என் புலம்பல்களும் )

2009-10-06T02:56:00.000-07:00

நூறு அழகிகளுடனான தனியறையில் ஆண்மையற்றவன் படும் பாடு . உடல்முழுவதும் இதழ்களால் அர்ச்சித்தும் முயங்க இயலாதவனை வெளித்தள்ளி , "ச்சீ " என்று உமிழி கதவை பூட்டும் அவமானம் உன் கவிதையின் ஆரம்பத்தில் எனக்கு கிட்டியது .நீ அடித்து வளைத்து இறுக்கிப் போட்டிருக்கும் சொற்கூட்டுக்குள் எந்தவழி நுழைவதேன்றே தெரியாமல் திரும்பிச்செல்லும் கொடூரம் நிகழ்ந்திருக்கின்றன உன் பழைய சில கவிதைகளில் . இழுப்புக்கெல்லாம் வளைந்து கொடுக்கும் சில நல்ல தாசியைப்போல விருப்பமின்றியும் உன் வார்த்தைகளோடு ஓடியிருக்கிறேன் முன் தினங்களில் .
இப்போதும் நீ வளைந்து கொடுத்தாயா இல்லை நானே ஏறிக்கொண்டேனா என்ற குழப்பம் .
இப்போதெல்லாம் நீ குழப்பி அடித்திருக்கும் வண்ணச் சேற்றுக்குள் சிக்கிக்கொள் என்றே காலை நனைக்கிறேன் ..
சுயிங்கம் மெல்லும் ருசியானது உன் கவிதை அசைபோட்டு சாறு எடுத்தபின்னும் இருக்கும் சுயிங்கத்தின் அழுத்தம் உன் வார்த்தைக்குவியல் . சில கவிதைகளில் நிகழும் அர்த்தப்புரிதலுக்கு பின் சொல் மீதான அலட்சியம் நேர மறுக்கிறதுன் கவிதை -களில்

இப்போதொரு புதிய தலை வலி இது

சூரியனுக்கு ஒட்டிய கருஞ்சுருள்
ஆடி மீது நகரும்
ஆயிரம் கால் ரேடியச் சிலந்தி
நெய்தபடி நகர்கிறது நிழல் வலை

ஞாபக வலையை இப்படி காட்சிப்படுத்த இயலுமா என்ற கேள்வியை எழுப்பிடும் வேலையை அழகாக செய்கிறது இந்த வரிகள் .
( விலாங்கை பிடித்து விடலாம் போல . நீர் சொல்லரவாரத புரியரதுக்குள்ள )

டிராகன் நாவுகள் சூழ ஓட்டகமுடித் தூரிகையில்
எழுதிய சிறகுள்ள அதி மானுடப் பெண்
தைலமிட்டு வைத்திருக்கிறாள் காயத்தின் உதிரத்தை
நிறம் மாறாமல்

நினைவுகளின் நிர்வாணம் ,ரணம் .

நதி தளர்த்தியிருக்கும் மணல் வெளி
அந்தியின் வெம்மை அடைகாக்கிறது
கரிக்கும் அதிகாலை உதட்டில் மற்றும்சிமிழ் சுடரில்

நெகிழ்ந்த புடவையின் வழி அரைகுறையாய் கட்சிக்கு புலப்படும் மார்பக ஆரம்பத்தின் அழகு போல் தெரிகிறது நீ எழுதியிருக்கும் "நதி தளர்த்தியிருக்கும் மணல் வெளி "
வெம்மையை அடை காக்கும் விழி நீர் பூசிய உதடு சொல்கிறது உன் வலியின் எடையை

ஒரு மிடறுக் கடல் உமிழும் எரிமலை
வாய் முன்னம் ஒற்றை முகில்
கார் வானமாய் விரிந்த கண்

நான் மிரண்டு போனது இங்கேதான் "ஒரு மிடறுக் கடல் உமிழும் எரிமலை
கண்ணீரின் அடர்த்தி கடலுக்கு ஒப்பானதே . ஒத்துக்கொண்டே ஆக வேண்டும் .
கண்ணை இப்படியெல்லாம்(ஒரு மிடறுக் கடல் உமிழும் எரிமலை ) சொல்ல முடியுமான்னு அரண்டே போனது இங்கேதான் அதிலும் " எரிமலை வாய் முன்னம் ஒற்றை முகில் "
அங்கயே விழுந்துட்டேன் . இமையை இப்படிலாம் சொல்ல முடியுமான்னு .

மார்புக் கூட்டு மரங்கொத்தி
சப்தம் கொல்ல கொல்ல உயிர்த்தெழும்
மரணத்தின் காலடி

அரிவாள் கருக்கு கொண்டு இதயத்தை கூறுபோட்டும் தீரவில்லை ரணத்தின் பசி .

திசை தீர வெடித்தெறிந்த தசைத்துண்டு கனவு
கடல்கோள் பிரேதத்தின் மீன்தின்றமீதத்தை
பகிர்கின்றன நகம் போல் அலகுள்ள பறவைகள்

என் உணர்ச்சியை காட்சிப்படுத்தும் வித்தை கைவரவில்லை மாம்ஸ் ஆனால் இந்த வரிகள் கிளப்பும் அதிர்வு மட்டும் இப்போதைக்கு அடங்கப்போவதில்லை எனக்கு .

(வார்த்தைகளை கழித்து வலியை மட்டும் பிரித்தெடுக்கும் சூத்திரம் கற்கவேண்டும் உன் கவிதைக்காக )

இதுவரையிலான மேலே உள்ளது எனக்கான புரிதல்கள் மட்டுமே படைப்பாளியின் கோணம்
என்னவென்று தெரிந்திருக்க எனக்கு சாத்தியமில்லை .
(என்னதப்புனு மாமாதேன் சொல்லணும் )

தொடர்வண்டி

2009-10-04T20:38:00.000-07:00

கடவுள்

புவியின் பருத்த மலைக்கொங்கை

அடர்ந்த பள்ளத்தாக்கல்குல்

புணர்ந்த வானக்காதலன் கழிக்கும்

சுக்கில மழை

ஊடலில் அவளழுத விழிநீர்க்கடல்

பசலைத்தின்ற அவளிடும் பெரும்மூச்சு

அன்பின் வெம்மை நனைக்கும்

சூரியத்தகப்பன் .

துயிலழகு ரசிக்கும் சந்திரச்சோதரன் .

இதில் கரைந்து போய்சில சமயம் அழத்தோன்றும் ..

ஆமாம் கடவுள் இருக்கிறானா? இல்லையா?

*****************************************************

அழகு + காதல்

இரண்டாயிரத்து ஐம்பதில்

(உயிரோடிருப்பின் ???!!!)

குறிநீர்க்கழிக்குமுன் பேரனை

மடிக்கிடத்தி

சுருங்கிய நின் கன்னங்களில்

என் மீத முத்தங்களையெல்லாம்

கொட்டித்தீர்க்க வேண்டுமடி

என் காதல் கிழத்தி !!!!

****************************************************************

பணம்

இதற்ற உலகத்தையோ வாழ்க்கையையோ கற்பனைச்செய்யவே இயலவில்லை . ஒருவேளை பணமென்ற வொன்று கண்டு பிடிக்கப்படவில்லைஎன்றாலும் வேறு ஏதேனும் ஒரு வஸ்த்து மாற்றாய் கண்டு பிடிக்கப்பட்டிருக்கும் .

என்னைப்பொறுத்த வரையில் பணமென்பது உழைப்பின் தூண்டு கோல். உழையுங்கள் சாகும் வரை என்பதே என எண்ணம் . உழைப்பவனுக்கே உலகம் சொந்தம் . நான் ஒரு பணப்பயித்தியம் . உழைத்தபடியே இறந்து போக வேண்டும் என்பதே என் ஆசை .

*****************************************************************

இப்பதிவு தொடருக்கு எனையழைத்த பா. ரா மாம்ஸ்க்கு நன்றியோ நன்றி .

இதைத்தொடர நான் அழைப்பது

* மழைக்கு ஒதுங்கியவர்

* மனவிழிப்பவர்

* மனவிலாசக்காரர்

* நிலா மகள் ( முப்பத்து மூன்று சத இட ஒதுக்கீடு )

* அஸீஸ் (எ) அனு

குறுகுறுப்பு .

வசந்தின் " வரம் கொடுக்க வந்த தேவதை "என்னோடு தங்கி விட்டதால் நானே அதற்கு வேறொரு வரம் கொடுத்துவிட்டேன் . ஆதலால் தேவதையின் சகோதரர்கள் (மச்சான்கள் ) மன்னிக்க .

பருவநிலையறிக்கை

2009-10-02T20:46:00.000-07:00

இறந்த காலம்

வியர்த்த நுதலுடன் மஞ்சள்

மணக்கும் மடி புதைய

ஈரத்தலைகலைக்குமுன் விரல்

நிகழ்ந்து போன இறந்த காலம்

முகிழ்த்த முகமயிரும் ,ஊறிய

ஆண்மையும் தொலைதேசச்

சொந்தமாக்கினவுன் மடியை

நிகழ்காலம்

அறிவின் வாள் ப்ரியத்தின்

துடிதுடிப்பைக் கூறு போடும்

சொற்கொடூரம் நிகழ்த்துகிறேன்

பின்னோக்கிய மனித பரிணாமத்தில்

குரைக்கும் மிருகப்படிநிலையில்

நின்றபடியுன்னிடம் ...

நிகழவிரும்பா எதிர்காலம்

உணராததை உண்டு ; முயங்கிய

பஞ்சனை போதையில் !!

எதிர்வினை மறுத்த உனதன்பென்னால்

பனைக்கழுவில் ஏற்றும் உற்சவப்

பெருவிழா நடத்தப்பெறலாம் !!

தங்கமுலை தந்தவளே

தயாராய் இரு அதுவரையில் !!!!!!!

நீர்த்தஇரவுகள்

2009-09-30T20:53:00.000-07:00

நீர்த்துக்கிடக்கிறது நம்

பரண் இரவுகளின் தொகுப்பு .

குசலவிசாரிப்புகள் ,சிறுஎள்ளல்

உண்டுகளைத்தாயா ?,நள்ளிரவு

காலைவணக்கம் .

சத்தற்ற பிதற்றல்கள் மின்னரட்டைப் பிணைப்பில் .

எட்டித்தெளிய முடிமின் சிரம் நுழைத்திருப்போம்

உன்னுள்ளும் என்னுள்ளும் !!!!

எத்தனை உருகி எழுதி கிழித்ததென்ன ?

இந்தாடா உதட்டுச்சாய முத்தமென

தவறியேனும் விழமறுக்கிறதுவுன்

எச்சிற் பூசிய சொற் பிண்டம் .

காகித சிறைக்குள் செந்தூரம்

சிவந்து போகிறது ஓரங்களை

*****???காதல் ????!!!!!

அச்சத்தின் மூலப்பிடியில்

சிக்கித்தவிக்கின்றன

இரத்தமிறைக்கும் இயந்திர

நாளங்கள் !!

இனி எந்நொடியும் சாத்தியமில்லை.

உன்னுள்ளானவென் பிம்பத்தை அழி

என்னுள்ளும் கொன்றேவிடுகிறேனுனை .

வா கை சேர்

மறுகட்டமைப்போம்

புதிதாயுன் பேர் சொல் !

இம்முறை சென்றேயாகவேண்டும்

மானிதரற்ற மலர்சமைந்த

பிரபஞ்சத்துள் !!

பேச்சிலர் டிகிரி - 3

2009-09-27T20:39:00.000-07:00

சாமத்தின் யாகத்தில் ஹவிசை

நான் .

யாக்கையை தின்று கொழுக்கின்றன

பாஸ்பரத்தின் தாயாதி மழலைகள் .!!

தோள் தினவு வெற்றாய் அழிகிறது

தலை சாயும் உற்றவளின்றி !.

கால் நூற்றாண்டாய் பெருந்தவம்

படர் முல்லைக் கொடியற்ற

ஒற்றைக்கொழு .

தசை நார் கிழிபடுகிறது

துருவக்கரடி கையிடை

மச்சம் .

விடியலில் சிரத்தீ கொண்ட

மெழுகு தற்கொன்றிருந்தது!!!..

*************************************************************

பந்தி :

மேலே படித்தது மெயின் டிஷ் (நான்வெஜ் .முட்டையில செஞ்ச கேக் மாதிரி ) அசைவம் சாப்பிடாதவர்கள் கீழே சமோசா + டீ இருக்கிறது எடுத்துக்கொள்ளவும் .எப்படி இருந்தாலும் ஏதாவது சாப்பிட்டுதான் போகணும்

ஏன்னா ? விருந்தோம்பல் தமிழன் பண்பாடாச்சே :)))))

*************************************************************

தவறியோ ;தவறட்டுமென்றோ

நீ

சிதறிவிடும் எழுத்துகூட்டங்களில்

தொலைந்துவிடுகிறது

உணர்ச்சி கூட்டில் சிக்கிக்கிடக்கும்

ராட்சத பறவை .!!

************************************************************

தவறாது மொய் எழுதிவிட்டுச்செல்லவும்.:))))

பாலா

குடைக்குள் மழை !!???

2009-09-24T20:33:00.000-07:00

தென்னை ஈர்க்கின் நுனி திரண்டு

மழை மறுபிறப்பெடுக்கும்

ஈரநாளில் ;

உன்னின் நானும் ;நானெனப்படும்

உன்னின் எனக்கான நீயும் .

விரல்களின் கலவியிலுதித்த

செஞ்சூட்டு குழவியொன்று

பருகிக்கொண்டிருக்கிறது இதயத்தின்

காதற் தாய்மையை .

உன்னாலவென் தருணங்கள்

வார்த்தைகளில் வர்ணத்தையும்

வாசனையையும் பீச்சியடிப்பதை

(அறிவாயா நீ ?(டீ))

ஒற்றைக்குடைக்குள் மௌனத்தோடு

ஒழுகுகிறது காதற் பெயருற்றும்

பெயரிடப்படாவொன்று!!!!!

சட்டென்று பொழிந்து விடுகிறது

ஒற்றை வெம்மழை உதடுகளினிடுக்கில்

திறந்த கதவின் வழி சட்டென்று

உடற்கலவும் பதனவறை காற்றைப்போல ..

கண்டும் காணா தோழியைப்போல்

ஓடிக்கொண்டிருக்கிறது

வெட்கிச்சிவந்து செம்மழையாய் ..

குறுகுறிப்பு .

இது மழையை காதலிக்கும் "மழைக்கு ஒதுங்கியவருக்காக "

மழை ??!!!

மழை ... இதன் மீது எனக்கு காதலோ ,விருப்பமோ , ரசனையோ இதுவரை

வந்ததாய் இல்லை .இதன் அவசியம் பொருட்டே வலுவில் ஏற்று கொண்டிருக்கிறேனென்றே நினைக்கிறேன் .ரோஜா வர்ணத்தின் மீது காதலிருந்தும் வன்மயாய் கறுப்பை ஏற்று கொண்டதைப்போல .

என்றேனும் ஒருநாள் இந்த மண்புணரியை இதே குடைக்குள்ளோ அல்லது

ஒற்றை இருக்கையில் எவளோ அவளுடன் சாளரக்கம்பிகளிடுக்கின் வழி மண் புணர்தலை காதலிக்க தொடங்கலாம் அப்போது இந்த கிறுக்கல்களின் அவசியம் நேரலாம்

ஊடற்பெருநிறை

2009-09-16T21:17:00.000-07:00

சொற்களோடு புணரும் சாத்தியமற்ற
நிசி நுனி வளர் பொழுதில் .
மேல்தட்டு மண்ணகழ்ந்தோடியபுழுவின்
வழித்தடமாய் வெடிப்புகளால்
நிரம்புகிறது .
வீட்டுள் வீடுகட்டும்
மஞ்சள் குளவியின் பிருஷ்ட
கொடுக்கு விஷம் தின்ற
புழுவென நிறம் மாறுகிறது
இதயம் .
வன்முயக்க குரூர திருப்தி
ஊடற் பெருநிறையையுன் மேல்
கவிழ்த்ததன் .
வன்மம் தொலைந்த பின்னொரு நொடியில்
அழத்தொடங்குகிறேன் யார்க்கும்
கேட்டிராவண்ணம்....

அழகியல்

2009-09-11T20:25:00.000-07:00

மஞ்சள் அலகு நீலப்பறைவையொன்று

ஜன்னலோர புங்கையின் கிளையில்

உன் அழகைத்தின்ற படி !!!......

நாம் விட்டகர்ந்த

சொர்ண புஷ்ப மரத்தடியில்

காம்பு கழன்ற புஷ்பங்கள் சில

சிதறிய முத்தத்தை

தின்று முடித்திருந்தன!!!!!!!!!!!!!!.....

உன் முல்லைப்பூ

நிறப்புடவையுன் மாம்பழ

வர்ண அழகை சொட்டியபடி

கொடியில்!!!!!!!!!!!!.........

நொடிகளைக்கொட்டும்

படுக்கையறை மணிகாட்டி

நம்மின்(????) மணித்துளிகளை

முடிவிலியால் பெருக்கி

எண்ணியபடி !!!!!!!!!!!!.......

நாம் சொல்லிக்கொள்ளாத

காதலென்ற வார்த்தை

வீட்டு வெள்ளைப் பூச்சு

சுவர்களில் மோதி

சிதறியபடி !!!!!!!!!!!!!!...........

முதல் முறையாய்

மடி புதையும் சிசு

முதல் வாய்ப்பருகல்

சிலிர்க்கும் ஸ்பரிசம்

கர்வப்பெருமை உனக்கு

மார்க்காம்புகள் முளைக்க

வரம் வேண்டியபடி நான்

எங்கிருந்தோ வந்த

தேவப்பறவைகள் உன்

தலையில் தாய்மை எழிலை

கவிழ்க்க !!!!!!!!!!!!!!!....

மூன்று பக்க சிறுகதையை

கவிதைக்குள் அடைக்கும்

முயற்சி

வார்த்தைகளின் அடர்த்தி

உன் அழகு !!!!!!!!!!!!!!....

திமிரெழில்

2009-09-07T20:28:00.000-07:00

நாவிற்கிடறும் பல்லிடுக்கின்

இறைச்சி துண்டு பிசிறோ ??

பல்லிடைப்பட்டோ ; வெட்டப்பட்டோ

நுனியறுந்த நகக் கண்ணோர

எரிச்சல் ரத்த தீற்றலோ ??

உன் திமிரோடு ஒத்துபோவது ..

ஆயிரமாயிரமாய்

திமிரின் வெளிப்பாடாய்

ஏகோபித்தவுன் ஆதரவில் .

இருக்கிறேன் நானும்

திரிசங்கின் ஓரத்தில் !!

(என்றேனும் இடம் பெயரலாம் )

துணிச்சலை திமிராய்

குழம்பி னேனோ????

பார்வையில் ; அழைப்பில் ;

நிராகரிப்பில் ; செயலில்

துணிச்சல் தூக்கில் (!!)

திமிரும் அழகென வளர்சிதைந்து

போர்த்தியிருக்கிறதுன்மேல்

எதோ ஈர்ப்பில்

வைரமுத்துவை கடன் வாங்கி

"ரெட்டைத்திமிரே

நெஞ்சில் முட்டிக்கொல்லு "

என வாய்வரை வந்ததை

காலணியை கையிலேடுப்பாயாதலால் :(

மறக்காமல் மறந்து வைத்தேன்

காரணக்குறிப்பு :

திமிருக்கும் அழகுரு கொடுக்கும் அவளால் அவளுக்கே இது .

நேசமுடன்

பாலா

என்னத்த சொல்ல ??

2009-09-03T15:05:00.000-07:00

The Rules:1. Link the person who tagged you.

2. Post the rules on your blog.

3. Share the ABCs of you.

4. Tag 4 people at the end of your post by linking to their blogs.

5. Let the 4 tagged people know that they have been tagged by leaving a comment ontheir website.

6. Do not tag the same person repeatedly but try to tag different people, so that thereis a big network of bloggers doing this tag.

The Tag:1. A – Available/Single? single

2. B – Best friend? : appu

3. C – Cake or Pie?: ????????????

4. D – Drink of choice? : apple juice( or monitor hi hi hi )

5. E – Essential item you use every day? : multimeter and tester (i'm an electrician)

6. F – Favorite color? : Black

7. G – Gummy Bears Or Worms?: ????????????

8. H – Hometown? - திருவாரூர்

9. J – January or February? Feb(beacuse of that 14 th)

10. K – Kids & their names? still single

11. L – Life is incomplete without? – love

12. M – Marriage date? i'll tell u after some times

13. N – Number of siblings? one younger sister

14. O – Oranges or Apples? grape (black )because of the color

15. P – Phobias/Fears? ???????????

16. Q – Quote for today? :ennththa solla

17. R – Reason to smile? ??????????!

18. S – Season? between Dec 15 th to Jan 15 th ( margazhi)

19. T – Tag 4 People? ANU ,JAMAL ,NAVAS , SYED

20. U – Unknown fact about me? ???

21. V – Vegetable you don't like? brinjal

22. W – Worst habit? angry

23. X – X-rays you've had? right hand

24. Y – Your favorite food? most of the sea foods

________________________________________________________________

அன்புக்குரியவர்கள்: யாரை விட ????????
ஆசைக்குரியவர்: ஒன்னும் சிக்க மாட்டேங்குது பாஸு
இலவசமாய் கிடைப்பது: அறிவுரை
ஈதலில் சிறந்தது: அன்பு
உலகத்தில் பயப்படுவது: (தி கிரேட்) அவனுக்கு மட்டும்
ஊமை கண்ட கனவு: ???????????( தட் மீன்ஸ் புரியல )
எப்போதும் உடனிருப்பது: நம்பிக்கையும் ,(தி கிரேட் )அவனும்
ஏன் இந்த பதிவு நிலா மகளின் கட்டாயத்தால்
ஐஸ்வர்யத்தில் சிறந்தது: தைரியம்
ஒரு ரகசியம்: நான் ஒரு முட்டாள் ( அதான் எங்களுக்கு தெரியுமே அதெப்படி ரகசியமகும்னு கேட்க படாது )
ஓசையில் பிடித்தது: தூரத்தில் ஒலிக்கும் மணியின் அழைப்பு , எதிர்பாரா நிமிடத்தில் எங்கோ ஒலிக்கும் எனக்கு பிடித்த பாடல் .
ஔவை மொழி ஒன்று: திரைகடல் ஓடியும் திரவியம் தேடு (இது யாருக்கு பொருந்துதோ இல்லையோ எனக்கு பொருந்தும் நான் இருப்பதே திரை கடல் மேலதானே )
(அ)ஃறிணையில் பிடித்தது: இன்றைய தமிழன் .

நன்றிக்கு

நிலாமகள்

நட்புடன்

பாலா

பேச்சிலர் டிகிரி (பார்ட் டூ )

2009-08-09T21:55:00.000-07:00

அண்டத்தின் நிசப்த இறகின்

மீட்டலால்மௌனம் நிரம்பிப்

பொங்கும் அறையில் மெல்லிய

கலங்கல்

வெப்பத்தென்றலைத் துப்பும்

மூன்றிறகு மின் விசிறி ,

மஞ்சள் எச்சில் உமிழும்

விடிவிளக்கு.

பூமிக்கருவின் சூர்ய நாவுகளை

மேற்சுவர் தரை தடவும்

மழையால் தணிக்க இயலுமா????

நிகழ்த்த முயன்று கொண்டிருக்கிறது

இயந்திர விசிறி !!!!!!!!

தீயை விழுங்கியவனை (அல்லது )

தீயால் விழுங்கப்பட்டவனை

எதிர்பாலற்ற தனிமை இரவின்

கொடுமைப்பிடி .

எரிகிறேன் உள்ளும் புறமும்

காதுமடலேறிய இரத்தமும்

காய்ந்த உதடுகளும் யாசிக்கின்றன

எதையோ என்னிடம் (!)

பிச்சையிட வழியற்றவனாய்

நான் .

இளமை மீட்டும் ராகத்திற்கு

வார்த்தை கோர்க்க இயலாமல்

கெஞ்சுகிறேன்

காலத்திடம்

என் இளமையை தின்றழி ,

இல்லையேல்

யாசிக்குமங்கங்களை முடமாக்கு ,

இயலாவிடில்

தயவு செய்து

எனைக்கொன்று விடு ............................

சொல்லாயுதங்கள்

2009-08-03T22:30:00.000-07:00

வெளியில் சூரிய அபிஷேகம் .
மதிய எரிச்சல் .
ரௌத்ரம் முளைவிடும் சூழகம் .
வியாபிக்கும் வெப்பம் உள்ளும் புறமும் .

சிறு தூண்டலுக்கு காத்திருக்கும்
எரிவிளக்கா?!!
பசியோடுறுமும் மான்கண்ட
புலியா?!!
பிரசவிக்கும் முயற்சியில் எரிமலை
திரவக்குழம்புகளா?!!

எரிய, பாய ,வெடிக்க
ஆயத்த தருணம் .
ஆ ................................. வெடித்தேவிட்டது ........

பெயரிலி சொல்லாயுதங்கள்
பல்கூர்முனைகளும் , ரத்தம்
சுவைக்கும் நாவுகளும் கொண்டவை .

சமர்களத்தில் இருபுறமும்
ஆயுதப்பிரயோகம் .

இதய மேற்சுவரென்ன ?
உட்புறமென்ன?
கிழிந்து தொங்குகின்றன
இதயச்சதைகள்

ஆயுத நாவுகள் ரத்தம்
ருசித்து மடிந்து விழுகின்றன .

ரத்தத்தின் வீச்சமடிக்கும்
அறை முழுதும் நிரம்பி வழிகிறது
வன் மௌனம்

இரண்டொரு நாளிலந்த
"வன் மௌனம் " செத்தழியலாம்
பிறிதொரு நாளில் அவ்வாயுதங்கள்
உயிர்பெற்று மீண்டும்
இதயம் கிழிக்கலாம் ................................

பின் குறிப்பு .
ஒரு வாரம் முன்பு " மழைக்கு ஒதுங்கியவர் (பெண்கள் கல்லூரி பக்கம் ) கேட்டிருந்தார் திருவாரூரில் வெயில்காலமா வென்று .ரெண்டொரு நாளில் ஊருக்கு வந்தபின்தான் தெரிந்தது இப்போது நம்மூரில் அதிகம் இருப்பது வெயில் காலம் தானென்று . ஊருக்கு வந்த இரண்டாவது நாளே அம்மாவோடு சண்டை சாயந்தரமே சமாதானமாகி ஒரு வழியா முடிந்து விட்டது. இந்த கடல் காற்றும் ,கப்பல் தனிமையும் என் மேல் ஒரு மிருகத்தனமான பையித்தியகாரத்தனத்தை பூசிவைத்திருகிறது .இப்பொழுதே இப்படி என்றால் திருமணத்திற்கு பிறகு பஞ்சாயத்து வைக்கவேண்டி இருக்கும் போல( சாமி எல்லாம் தயாராஇருங்க) மேற்கண்ட கொலை வெறியில் மேற்மேற்கண்ட கவிதை மாதிரி ஒன்றை கிறுக்கித் தொலைத்தேன் .

அவளுக்கு

2009-07-30T23:44:00.000-07:00

தோழி
உன் சிறுபிள்ளைத்தனமான
கோபத்திற்கும்
எதிர்பார்ப்பிற்கும்
சின்னதாயுன் தலையில்
குட்டி
செல்லமாய் மன்னிப்பு
கேட்க ஆசைதான்
ஆயினும்
நமக்கிடையே இடைவெளியாய்
இருக்கிறதே
புவியியலின் தொலைவும்
வேறு ஏதோ ஒன்றும் (?)!!

பின் ,முன் குறிப்பு .
நம்ம தோழி ஒருத்தி யோடு ஏற்பட்ட சின்ன ஊடலின் காரணம் அவளை சமாதானிக்கும்விதமாய் மேற கண்ட கவிதை போன்ற ஒன்றை எழுதி அனுப்பினேன்
பதிலில்லை
எப்படியோ பதினைந்து நாள் கழித்து அதிஷ்ட்ட வசமாய் சாட்டில் பிடித்து கேட்டேன் அனுப்பியது பிடித்ததா என்று .
"வாசமில்லா பூங்கொத்து " என்று பதில் வந்தது
"வாசமில்லா பூங்கொத்து ? புரியவில்லை எனக்கு
ஏனென்று கேட்டேன் அதை பதிவிட வில்லையாம் அதனால் அது வாசமில்லாது போனதாம் (!!)
ஆக அவளின் அனுமதி யோடு பதிவேற்றி விட்டேன்
இப்போதும் அது வாசம் வீசுகிறதா என்று தெரியவில்லை .
உங்களுக்கும் இது போன்று தோன்றின் "பின்னூட்ட பன்னீர் " தெளித்து
நாற்றமேற்றவும்

பாலா

ரெண்டு கவுஜ மாதிரிகள்

2009-07-28T00:12:00.000-07:00

முதுகு சொறிபவன்

ஆயுதப்பட்டறை .

அனுபவபாத்தியதையால்

உரிமையாளனென்று சொல்லிக்கொள்ளும் நான்

எவ்வொரு முறையும் சென்று

செய்து திரும்புகிறேன்

முதுகு சொறி கம்பியுடனும்

பல்குத்தும் ஊசியுடனும் .

எப்படி முயன்றும் வக்கில்லை

எனக்கு

மயிர் சிரைக்குமொரு

மொன்னைக்கத்திக்கு .!!!!

முத் (கிஸ்)தம்

இரத்தம் இனிக்கும் !

பிதற்ற தொடங்கி விட்டேன்

உதட்டில் வைத்து என்

உயிரை நீ

உருவிய அன்றிலிருந்து !!!

தலைப்பற்றவன்

2009-07-20T02:22:00.000-07:00

அவனைப்பார்த்ததுண்டா நீங்கள் ?

முப்பது,முப்பத்தைந்து வருடங்கள்

முன்பு அவன் பிறந்திருக்ககூடும் !

உங்கள் தெருவில் ,ஊரில்

நகரத்தில் எங்கேனும் .

அவனைப்பார்த்திருப்பீர் நீங்கள்

அவன்தானவனென்று உங்களுக்கு

தெரிய வாய்ப்பில்லை .

நினைவு படுத்தி பாருங்கள்

"பழுப்பு நிற பற்கள்

செம்படைந்த தலை மயிர்

உள்நோக்கி வளைந்த கால்கள்

தரங்கிய உடல் "

அடையாளம்

மனப்பிறழ்ந்தவன்

உணவேயவன் தேவை

உங்கள் படிமம்

அவன்மீது

அவன் கனவுகள்

உடற்,மனத்தேவைகள்

அறிய விருப்பமில்லை ,நேரமில்லை

உங்களுக்கு .

அவனை மனித வட்டத்தினின்று

தூக்கி எறிந்திருக்கலாம் . (இல்லை )

அவனை மறந்தே போயிருக்கலாம்

பாதகமில்லை !!

என்றேனும் அவசரகதி வாழ்வில்

ஒருநாளவன் இறந்து போயிருப்பான்

அன்றும் நேரமிருக்காது உங்களுக்கும் எனக்கும் .!!!!

ஆகையால் புறப்பட்டுவிட்டேன் இதோ

அவனிருக்கும் போதேயவனுக்கு அஞ்சலி செலுத்த

"ஒரு உச்"

"இயன்றால் இருதுளி கண்ணீர் "

முடிந்தால் நீங்களும் வரலாம் ..........

தாயே விருது வாங்கலையோ விருது

2009-07-16T05:42:00.000-07:00

செந்தழல் ரவி அவர்கள் தொடங்கி வைத்த சுவாரஸ்ய வலைப்பதிவர் விருது இப்போ நம்ம ப்லோக்ளையும்
என்னத்த வச்சு எனக்கு சுவாரஸ்ய வலைப்பதிவர்னு (?????)விருது குடுத்தார்னு தெரியல (நவாஸ் )
இத ஆறு பேருக்கு வேற பிச்சு குடுக்கணுமாம்

இந்த விருத ஆறா பிரிச்சாச்சி

*********முதல்ல நம்ம மாப்பி ****************

இவர பத்தி சொல்லனும்னா சொல்லிகிட்டே இருக்கலாம் ஆனா சொல்றதுக்கு ஒண்ணுமில்ல

மொக்கைக்குனு தனி ஸ்டெயில் இவரோடது

இவரோட ஏழரைக்கு பல பேர் விசிறி .

நல்லா சரக்கு கலவை போடுவார் .

நடுராத்திரி பனிரெண்டு மணிக்கும் கூலர்ஸ் போட்டுட்டு இருப்பார் .

மங்கி கேப் போட்டா குணா கமலான்னு சந்தேகம் வந்துடும் !!

"இவருக்கு பிடிச்சது கமலா ஆரஞ்சு "ஏன்னுஅவர் கிட்டயே கேளுங்க .

****************** இரண்டாவது ஆபிரகாம் ********************

நல்ல எழுத்துக்கு சொந்த க்காரர் .ரசிக்க வைக்கும் எழுத்து நடை

*******************மூன்றாவது கும்மாச்சி ****************

ரசிக்கவைக்கும் எழுத்து நடை ஆனாலும் இவர் "அந்த "மாதிரி விஷயங்கள்ல காட்டும் சுவாரஸ்யம் மத்த விஷயங்களை இருப்பதில்லை ஏனோ? சொல்லுங்க கும்மாச்சி அய்யா

***************நான்காவது சரவண குமாரன் *********************

"மிரட்டல்" வேற ஒன்னும் சொல்றதுக்கு இல்லை. மனுஷன் பின்றாரு .

*****************ஐந்தாவது கணேஷ் ***********************

சுவாரஸ்யமான மொக்கை .

போன டிசம்பர்ல வந்தாரு அப்புறம் கொஞ்ச நாள் காணாம போய்ட்டாரு

இப்போ தான் ரிஎண்ட்ரி குடுத்துருக்கார் .

*************** ஆறாவது ஷி நிஷி ***************************************

கவிதைல கதை சொல்றவர் .

இப்போலாம் ஆளையே பார்க்க முடிவதில்லை

அப்பப்ப வாங்க சாமி

*******************************************************************************************

அப்பா ஒரு வழியா பங்கு பிரிச்சாச்சு .

இதுக்கு (விருதுக்கு ) நான் ரொம்ப செலவு பண்ணி இருக்கேன் சாமி

எதோ உங்க மனசுல பட்டத பார்த்து செய்யுங்க

மெயில் பண்ணுங்க அக்கவுண்ட் நம்பர் தாரேன் ..

அப்புறம்
நன்றி நவாசுக்கும் ,,உங்களுக்கும் .

"ஜே .ஜே சில குறிப்புகளும் " சில குறிப்புகளும்

2009-07-14T02:07:00.000-07:00

முதலில் பதிவுலகத்திற்கு என் நன்றி. யாரோவொரு பிரபல பதிவர் (பெயர் ஞாபகமில்லை மன்னிக்கவும் ) பரிந்துரைத்திருந்தார் படிக்கவேண்டிய சில புத்தகங்களென அவருக்கும் .

இராஜராஜன் திருமண மண்டபத்தில்(திருவாரூர் ) ஜனவரி மாத புத்தக கண்காட்சியில் இதோடு சேர்த்து "ஒரு புளியமரத்தின் கதை , ஸீரோ டிகிரி,சிவகாமியின் சபதமும் வாங்கினேன் .அவை பற்றி பிரிதொரு சந்தர்ப்பத்தில் பகிரலாமென ......

ஜே ஜே சில குறிப்புகள் .
"ஜோசப் ஜேம்ஸ் ஆயிரத்து தொள்ளாயிரத்து அறுபது ஜனவரி ஐந்தாம் தேதி தனது முப்பத்து ஒன்பதாம் வயதில் ஆல்பெர் காம்யு விபத்தில் மாண்டதற்கு மறுநாள் இறந்தான் " இப்படி முதல் இரண்டு வரியிலேயே அவனைக் கொன்று போட்டு அத மேல் ஓடத் தொடங்குகிறது இந்த நாவல் அதனோடு ஓடியே ஆக வேண்டிய கட்டாயம் இல்லையேல் வேடிக்கை மட்டுமே பார்க்க இயலும் .
இப்படி சொன்னாலும் சில சமயம் எதோ ஒரு பக்கத்தை பிரித்து படிக்கும்போது மின்காந்த புலமென அப்படியே உள்ளிழுக்கும் தன்மை கொண்டதாயும் இருக்கிறது .
குறிப்புகள் என்றே சொல்வதால் வரிசைக்கிரமத்தை பார்க்க முடிவதில்லை
முதல் வரியில் இறந்தவன் நாவலின் இரண்டாம்பாகத்தின் முதல் வரியில் பிறக்கிறான் .இதெல்லாம் நாவலோடு ஓடியே ஜீரணித்து கொள்ளவேண்டியிருக்கிறது .
படித்துக்கொண்டிருக்கும் போதே வெளிவந்தது சுய மதிப்பீடுகளுக்குள் புகுந்து விடுகிறேன் காரணம் சுய மதிப்பீட்டிற்கான எண்ணங்களை புகுத்தி நம்மை வெளித்தள்ளிவிடுகிறது .
ஒரு பத்து ,பதினைந்து வரிகள் கொண்ட ஒரு பத்தி தோற்றுவிக்கும் எண்ணங்களும் பயணங்களும் விசாலமானவை .வார்த்தைகளில் சத்தும் , அடர்த்தியும் நிரம்பி வழிகிறது .
நாவல் முழுவதும் அவனை (ஜே.ஜே ) தூக்கி கொண்டாடியிருப்பது அழகாகவே ஒரு படைப்பாளியை கொண்டாடும் விதமும் அப்படியே .
.
நாவலிலிருந்து
"ஹோட்டேல் உரிமையாளருக்கும் பட்லர்களுக்கும் ஜே.ஜே மீது ஒரு தினுசான கவர்ச்சியும் அதிலிருந்து கிளர்ந்த அனுதாபமும் இருந்தன "மிக புத்திசாலியான பையித்தியம் " என்ற படிமமும் அவனைப்பற்றி நாளா வட்டத்தில் அவர்களிடம் உருவாகி இருந்தது ."

இரண்டாம் பாகத்தில் ஜே ஜே வின் டைரிக் குறிப்புகளாய் சொல்லப்படும் கிட்டத்தட்ட அறுபத்து ஐந்தும் தனித்தனி சிறுகதைகளாய் எழுதப்பட வேண்டியவை .
.
"நேற்று ஒரு கவிதையை மொழி பெயர்த்தேன் மூலத்தில் கனமாக இருந்தது என் தாய் மொழியில் கஞ்சித் தாள் மாதிரி பறக்க ஆரம்பித்து விட்டது .என்ன நேர்ந்தது அந்த கவிதைக்கு ? என் பாஷை அந்த கவிதையை என்ன செய்தது ? எந்த விதத்தில் அதை துன்புருத்திற்று ?"
இப்படி நீள்கிறது அந்த குறிப்பு

நாவலை முடித்தவுடன் ஜே ஜே இடம் ஆட்டோகிராப் வாங்கும் எண்ணம் மேலிடுவதை தடுக்க முடிவதில்லை .

இந்த நாவலை பதிவுலக நண்பர்கள் சிலருக்கு பரிந்துரை செய்தேன் யாரும் காதில் போட்டு கொண்டதாய் தெரியவில்லை .

மீண்டும் ஒருமுறை இதை படிக்க வேண்டுமென இருக்கிறேன் புதிதாய் எண்ணங்களும் வாசல்களும் கட்டாயம் திறக்கலாம் .

பி. கு
இந்த நாவலுக்கு பின்னரே தமிழிழும் , மலையாளத்திலும் (மொழி பெயர்ப்பு ) நவீன இலக்கியங்கள் வந்ததாய் சொல்லப்படுகிறது .
.

பிழை இருந்தால் பொறுத்தருள்க .

அவன் தி கிரேட்

2009-07-10T02:45:00.000-07:00

அக்கணம் வரையில் நான்

காதலிக்கவில்லையவனை

சிறுபிராயம் தொட்டே அம்மா

சொல்லியிருக்கிறாள் அவனை ஏற்க

இப்பவும் ஏற்க சொல்கிறாளேயொழிய

காதலிக்க சொல்வதாயில்லை

நான் மட்டுமென்ன யோக்கியமா ???

என் தேவைக்கும் , பாதுகாப்பிற்கும்

அவனை காதலிப்பதாயும்,ஏற்றதாயும்

நன்றாய் நடிக்கப்பழகிவிடேன் !

அவன் நல்லவன் !! நான் நடிப்பதும்

காதலிக்க வில்லைஎன்பதும் அவனுக்கு

தெரியும் , தெரிந்தும் .....................................

ஆதலால் அவன் நல்லவன் !!

பல முறையவனை கேவலமாய்

திட்டியிருக்கிறேன் ஆயினும்

.........................................

ஒன்று சொல்லட்டுமா??? அக்கணம்

வரையில் கண்டதில்லை நான் அவனை !!!!(???)

எவனோ ஒருவன் சொல்கேட்டு

அவனைப்பார்க்க போனேன்

அவனுக்கு வேலையதிகம்

பலர் அவனுக்காய் காத்திருத்தலில்

எங்கும் மனித நாற்றம் .

பலமுறை இப்படியாய் போனதில்

அவனாய் வந்து பார்க்கட்டுமென

விட்டுவிட்டேன் !

அப்போதுதான் அக்கணம் நிகழ்ந்தது !

அக்கணம் அதொரு தேவகணம்!

மகோன்னத நிமிஷம் !!!

பரந்த நாவாய்

சமுத்திர சகதி கீழ்மூலையில்

உலகின் நிறமிகளையெல்லாம்

சிவப்பாய் உருக்கி வார்த்தார் போல் !!

அரைவட்ட வான் பந்தின்

கீழ் நானும் (அவனும்)!!

வேடிக்கை காட்டத்தொடங்கினான்!

திசையறியா காற்று அச்சகதியை

என்மேல் வாரியிறைத்து

அவனிருப்பை உறுதி செய்தது .

என்னுள்ளிருந்து எதையோ

அவிழ்த்து விட்டெறிந்திருந்தான்

இயலாமல் வெடித்து அழத்தொடங்கினேன்

தற்கொலைக்கும் எண்ணம்

மேலோங்கியிருந்தது !!!(??)

"ஒ "அவன் மேல் எனக்கு

காதல் பிறந்து விட்டது போல் ?!!!!!!!!!...........................

பசு

2009-07-08T22:33:00.000-07:00

எங்கள் வீட்டு பசுவொன்று
ஆறுமாதத்திற்கு முன் ஈன்றிருந்தது
செம்மண் குழப்பிய நிறத்தில்
கிடேரி கன்று ஒன்றை
.
அம்மா சொல்கிறாள்
"அதை அவிழ்த்து கட்டவே முடியவில்லையாம்
அப்படி இழுக்கிறதாம் "

.
அப்பா திட்டுகிறார்
"அதுக்கு நிறைய பால் விடாதேன்னு சொன்னா
கேட்கவே மாட்டியா ?"
.
முன்னேற்று அது சாணம் கொட்டும்
எருகுழியில் தவறி விழுந்து விட்டது
முழுதும் சாணமும் மூத்திரமும்
பூசிக்கொண்டு எழுந்து வந்தது
.
முகர்ந்து பார்த்து பயந்து வெறித்த படி
சென்று விட்டது தாய்ப்பசு
இரண்டு நாளது கன்றை சேரவே விடவில்லையாம்

அம்மா திட்டுகிறாள்
"இதுக்கு என்ன வந்துதுன்னு தெரியலையே
சாணி மூத்திரம்னு அதுலேதான் படுத்து கிடக்கு
இதென்னமோ புதுசா பண்ணுது "

எனக்கு ஏதோ புரிந்தது மாதிரி இருந்தது
உங்களுக்கு ஏதாவது புரிஞ்சுதா ????????????????!

மழையும் நானும் அல்லது அவளும்

2009-07-07T02:27:00.000-07:00

எனக்கும் மழைக்குமான தொடர்பை நினைத்து பார்கிறேன் .என் முதல் மழைத்தொடர்பு எங்கு துளிர் விட்டதென்று நினைவில்லை .ஆனால் அம்மா சொல்வாள் நான் பிறந்த அன்று நல்ல மழையாம் .நான் பிறந்து வீட்டிற்கு வந்த ஒரு வாரத்தில் வெட்டாறு உடைத்துக்கொண்டுவிட்டதாம் ஊரே திருவாரூர் பெரிய கோவிலிலும் , கரைவீரம் கோவிலிலும் தண்ணீர் வடியும் வரை இருந்ததாம் .பேச்சு சுவாரஸ்யத்தில் அவ்வப்போது என்னிடமே பலமுறை சொல்லியிருக்கிறாள் அதனால் தான் எனக்கு கங்கா என்று பெயர் வைத்தாளாம் .

எதிர் வீட்டு அசோக்கின் அம்மா வீட்டில் தண்ணீர் நின்ற அளவை தூணில் குறித்து வைத்திருப்பதாய்சொல்வாள் .அவரவர்க்கென சில ஆட்டோகிராப்பை மழையும் வெள்ளமும் போட்டு விட்டுதான் போயிருக்கிறது .

எந்த மழையும் என் மீது துப்பி விட்டுச்செல்லும் ஞாபகத்துண்டுகள் சில மழைநாள் சம்பவங்களே .

பத்து வருடங்களுக்கு முன்பென்று நினைவு கனமழை பெய்த ஒரு இரவில் சத்யாவும் , மகேந்திரனும் ஓடிப்போனதும் எப்படியோ தேடிப்பிடித்து ஒருவாரத்தில் கொண்டு வந்து பிரித்துவைத்ததும் ஞாபகத்துக்கு வந்து தொலைக்கிறது .

இப்பொது அவன் பூ விற்று கொண்டிருக்கிறான் வேறு திருமணமாகி மூன்று குழந்தைகள்.அதற்கு முன்னமே சத்யாவுக்கு திருமணமானது அவளுக்கும் இப்பொது இரண்டு பெண் குழந்தைகள் நல்ல வேளை மகேந்திரன் சாயல் இல்லை .

எப்பொழுதென்று நினைவில்லை ஒரு நள்ளிரவு மழையில் மின்சாரம் நின்று விட்டிருந்தது . அதென்னமோ தெரியவில்லை மெல்லிய வெளிச்சத்தில் தான் தூக்கமே வந்து தொலைக்கிறது .விடிவிளக்கின்றி தூங்குவது ஒரு வித பயத்தையும் ,மூச்சுக்குழலை அடைத்து விட்டாற் போன்ற உணர்வையும் உண்டு பண்ணுவதை தடுக்க முடிவதே இல்லை .

பக்கத்தி படுத்துறங்கிய அம்மவைக்காணவில்லை . அம்மாவை அழைத்தபடி மெழுகு வர்த்தி எடுக்கும் நோக்கில் அடுப்பங்கரைக்கு போனேன் மெல்லியதாய் முனகலுடன் எதோ சப்தம் ,இருட்டிலும் எதோ அசைவுகள் . அரவம் கேட்டு அங்கிருந்து அம்மா அவசரமாய் புடவையை சரி செய்த படி எழுந்து வந்து எடுத்து கொடுத்தாள் . அதை ஏற்றி வைத்து விட்டு படுத்து கொண்டேன் சிறிது நேரத்திற் கெல்லாம் வந்தவள் படுத்துறங்கி விட்டாள். அந்த இரவு முழுவதும் நான் தூங்கவேஇல்லை .

மறு இரண்டு நாட்கள் அவளுடன் பேசாமலேயே இருந்தேன் . இப்போது நினைத்தால் சிரிப்பாய் வருகிறது . ஏனென்ற காரணமும் இப்போது , அப்போது சரி விளங்கியதாய் இல்லை ..

ஒன்பதாம் வகுப்பு படித்து கொண்டிருந்த போது

ஒரு மழையொழுகும் மாலையில் குடையெடுத்து செல்லாத தால் நனைந்து கொண்டே வர வேண்டியதாயிற்று ஐந்து மணிக்கெல்லாம் இருட்டியது போல் கரியை அப்பிக்கொண்டிருந்தது வானம் வரும் வழியில் சுடுகாட்டை தாண்டி ஒரு புளியமரத்தை கடந்து கொண்டிருந்தேன் எதிரே பார்வைக்கெட்டிய தூரத்திற்கப்பால் சட்டென்று ஒரு மின்னல் அதன் வாலைப்பிடித்துக் கொண்டே இடியும் தன் பங்குக்கு கத்தி விட்டிருந்த போது சுளீரென்று அடி வயிற்றில் ஒரு வலி , ஏதோ நழுவியது போல் . பல்லைக்கடித்துக்கொண்டு வீடு வந்து சேர்ந்தேன்

மறுநாள் அம்மாஎன் மாமா வீட்டிற்கு அனுப்பிவிட்டாள்

இன்னமும் சொல்லிக்கொண்டு தானிருக்கிறாள்

" குண்டு மணி அளவுக்கு கூட தங்கம் வாங்க வக்கிலாத பயலுவோ

ஓடன் பொறந்த வளுக்கு செய்யாம அப்புடி என்னத்த தான் வாரி கட்டிட்டு போவப்போரனுவலோ " என்று

எல்லாவற்றிற்கும் முத்தாய்ப்பாய் போனவருடம் கல்லூரி மைதானத்தில் சிறு மழைக்கிடையே அவன் கொடுத்த முத்தம் இன்னம் இருக்கிறது என் உதட்டிடுக்கில் .

ஆனாலும் என் முதல் மழைக்கான நினைவு இப்பவும் என்னிடம் இல்லை .

பி .கு .

அமெச்சூர் த்தனமான இந்த பதிவை தயவு செய்து பொறுத்துக்குங்க சாமியோவ்

"அட இதுதான் அம்மேச்சூர் நு நினைக்கிறியா நீ எழுதுறது எல்லாமே அம்மேச்சூர் தனமாத்தான் இருக்கு என்று பின்னூட்டமிடுவோர் வரவேற்கபடுகிறார்கள் "

எதிர்நிலையிரவு

2009-07-03T21:07:00.000-07:00

வழமையாய் அழைப்பு துளிர்க்கும்

முனை வழமையாய் இல்லை

தேவைக்கு இறைஞ்சியோ ,வன்செயலோ

அதற்கு தேவையாய் இல்லை

அதொரு எதிர் நிலையிரவு ஆதலின் !!!

கொழுவை நிலம் உழுதல் !

வண்ணப்பூச்சியை மலர் குடித்தல் !

விறகு தீயை எரித்தல் !

சாத்தியம் !! ம்ம் !!!!!!

அதொரு எதிர்நிலையிரவு ஆதலின் !

எதிர் முனையில் வளர்ந்து விட்ட அழைப்பிதளால்

எங்கும் எதிர் நிலை !

எதிலும் எதிர் நிலை !

நிலையும் எதிர் நிலை !

கட்டுடைப்பு

ஆதலின் அதொரு எதிர்நிலையிரவு !

ஆணாதிக்கம் தொடங்குமிடம்

இப்போது தலைகீழாய்

இங்கது உடையும் தருணம்

வேறெங்குமது உடைவதற்காய் அவசியமிராது

ஆதலின் அதொரு எதிர் நிலையிரவு !

அவளின் ஆதிக்கம் உச்சத்தில்

நான் பெண்மையை அணிந்திருந்தேன் ?!!!!!

அவளுக்கு மீசை முளைத்து விட்டிருந்தது ?!!!!

என் சிறந்த இரவுகளில் அதுவும் .

ஆதலின் அதொரு எதிர் நிலையிரவு ............

சங்கமம்

2009-06-22T14:39:00.000-07:00

நிலாத்துண்டொன்று நழுவி

இலையில் ஒழுகி

சாளரம் வழி விழுந்து விட்டிருந்த

அன்று

அவளில்லாமலேயே அவளால்

நிரம்பி வழிகிறதென் அறையும்

வீடும் !

கண்ணாடியில் நெற்றிக் கண்ணாய் -ஸ்டிக்கர் பொட்டு

அழுத்த எண்ணைக்கறை அப்பிக் கொண்ட தலையணை

ஜன்னல் காற்றில் சிரித்தது

எப்பொழுதோ உதிர்த்த அவளொற்றை முடி

நான்கு கூர் முனைக்கத்திகள்

இதயத்தை இடம்பெயர்க்கும்

முயற்சியில் ?!

இரவின் தனிமையில் கொடுமையின் பிடியில் .

ஜன்னலறைந்த காற்று வீசிவிட்டு

சென்றது ஞாபகத் துண்டொன்றை

இதே நிலா ஒழுகிய நாளில்

ஒருநாள்

அவளின் நெகிழ்ந்த ஆடையால்

சிதைந்த "நான் ".

முத்தங்கள் சில

காதோர முனுமுனுப்புகள் என

பச்சை விறகும் பற்றி எரியும்

நெருப்பில் குளிர் காய்ந்ததும் !!!

"எல்லா சங்கமத்திலும்

பாத்திரம் ஏந்தியபடி நான்

இட்டு நிரப்பும் வள்ளலாய் நீ"

"கேள்வியோடு சென்று

கேள்வியோடு திரும்புகிறேன்

புதிது புதிதாய் என்றும்??!!" என்று

என் டைரியின் பக்கங்களை நிரப்பியதும்

வந்து சென்றதில்

எனை ஒதுக்கி எரிந்து முடிந்த

இவ்விரவை என் தூங்கா இரவுகளின்

வரிசையில் இணைத்துக்கொண்டேன் ...............................

ஹெர்பேரியம்

2009-06-18T14:50:00.002-07:00

அசிட்றேசியின் பூவில் வாசம் ?
பேபேசி குடும்பத்தில் எத்தனை வகைகள் ?
.
சங்கு பூவும் , அவரையும் கைகால் பரப்பி
தொங்குகின்றன ஒன்பது வருடமாய் !!
.
அட்டையில் பென்சிலின் கோட்டில்
பிங்க் நிறத்தில் பார்டர்
ஹெர்பெரியமும் , பெயரும் .
.
கடைசி பக்கம் வாழைமொட்டின்
ஒற்றைப்பூ வாய்பிளந்து
மகரந்த நாவை நீட்டியபடி !!
.
நடுவில் ஆமணக்கின்
ஒற்றை இலை கைகாட்டி சிரித்தது !
.
ஒன்பதின் கீழ் பத்தென
மேலதின் தரத்தை கீழது சொன்னது
முதற் பக்க மதிப்பெண் !
.
.
சங்கீதா சொன்னாள்
"இதுவும் ஆட்டோகிராப் போல தான் அண்ணா "என்று
.
.
தாவரவியல் புத்தகத்தின் இடுக்கில்
உறங்கிகொண்டிருக்கிறது கருகிய ரோஜா ஒன்று !

RAJI எங்கே இருக்கிறாய் நீ ?????????????????

என் ஹெர்பேரிய அட்டையில்
"cliteriya terneshya " பச்சையாய் ...............................................

சைட் அடித்தல் தவம்!

2009-06-11T15:18:00.000-07:00

இரு பரவளையங்கள் வெட்டும் புள்ளியில்

பிறக்கிறது அந்த தருணம் !

இதை கணிதம் என்ன சொல்லுமோ ?தெரியவில்லை

சுய அழகியல் சார் கேள்விகள்

சில முளைக்க

வெட்டும் புள்ளிகளின் இலக்கம் உயர்தலில்

வளர்தல் நின்று விடுகிறது .

"காலரை சரிசெய்யும் சாக்கில் "

துப்பட்டா ஒழுங்கு செய்தல் "

நேர அறிதலுக்காய் கையுயர்தல் "

என பல காரணங்களை உற்பத்தி

செய்கிறது அந்நிகழ்வு

எந்த நொடியும் அறுபட்டு போகும்

அந்த சில நிமிடங்களுக்கென ஒவ்வொரு

முறையும் அலைகிறது

கண்கள் எந்த பொதுவிடங்களிலும் .................

ஓம் லவ்வாய நமக!

2009-06-09T14:46:00.001-07:00

புரிதலும் புரியாமையும் தெக்கி நிற்கும்

கவிதையென எம்மிடை உருள்கிறது

ஏதோ ஒன்று பெயரிலாதது !

அரட்டையினூடே வேண்டுமென்றே தவறிவிழும்

வார்த்தைகள் சில தூபம் இடுகையில்

குலுக்கப்பட்ட புட்டியினின்று பிரவாகத்

துடிக்கும் மதுவெனக்காதல் எம்மீது

விசிறியடிக்க தயாராய் இருந்தும்

அடுத்து வரும் மறுதலிப்புகள் சில

காதலின் பாவத்தை எனக்கோ, அவளுக்கோ

முழுதாய் சேர்த்து விடும் .

அவளில்லாத தருணத்தை

"அவள் அரட்டைக்கு கிடைப்பதாய் இல்லை "

என்று சொல்லும் ஜிமெயில் பரம எதிரியாய் !

"ஹாய் "சொல்லி உள் நுழையும்

அவளைக்கண்டதும் அதுவே கடவுளாய் தெரியும் !.

பிரிவின் துயரைக்குறிப்பதாய் அவளனுப்பும்

குறுஞ்செய்தி உள்ளே உடைக்கும் !

இருப்பினும்

எந்தமுறையும் எம்மால் பாதுகாக்கப்படும்

அந்த குலுக்கிய மது புட்டியும்

சில வார்த்தைகளும் .

(உடைக்கப்படலாம் ,உடையாமலும் போகலாம் )

நான் எனப்படும் நான்

2009-05-28T07:32:00.000-07:00

உங்களுக்கு ஏன்இந்த பெயர் வந்தது ,உங்கள் பெயர் உங்களுக்கு பிடிக்குமா ?

இத மிஸ்டர் அன்ட் மிஸ்ஸஸ் ராமலிங்கத்துக்கிட்டதான் கேட்கணும் !

எனக்கு பிடிக்குதோ இல்லையோ அதுதான் என்ன பிடிச்சுட்டு இருக்கு .

முழுப்பெயர் : பாலமுருகன்

வீட்டில் கூப்பிடுவது : பாலு

சிங்கை சென்ற பிறகு "பாலா "நு நண்பர்கள் கூப்பிட அப்படியே இருக்கட்டுமேன்னு விட்டுட்டேன் .

*கடைசியாக அழுதது ?

ஆஹா இது வரம்ங்க !

ஞாபகம் இல்லை .அப்பப்ப எதையாவது நினைச்சு அழுதுக்குவேன் .

* உங்க கையெழுத்து உங்களுக்கு பிடிக்குமா ?

ரொம்பக்கேவலமா இருக்கும் .இந்த கேள்வி பதில் எழுதும் போது கூட பார்க்க

சகிக்கல .இப்படி ஒரு கையெழுத்து யாருக்குத்தான் பிடிக்கும் ?????

*பிடித்த மத்திய உணவு ?

மீன் மிதக்கும் ,கிடக்கும் அத்தனை அயிட்டமும் .

*நீங்க வேறு யாருடனாவது உடனே உங்க நட்பை வச்சுக்குவீங்களா ?

ஆமாம் (எதிரிகளை விரும்புவதே இல்லை )ஆனா முதல் முறை ஒருவரை பார்க்கும் போது நான் கணிப்பது கடைசியில் உண்மையாய் முடியும் .

*கடலில் குளிக்க பிடிக்குமா இல்லை அருவியில் குளிக்க பிடிக்குமா ?

இந்த கேள்வியை மாற்றி குளிக்க பிடிக்குமானு கேட்டிருந்தா உத்தமம் .(ஹிஹி )

கடல் தான் நமக்கு பக்கம் .

*முதலில் ஒருவரை பார்க்கும் போது எதை கவனிப்பீர்கள் ?

பெண் என்றால் கண் .

ஆண் என்றால் அங்க அசைவு .

*உங்க கிட்ட உங்களுக்கு பிடிச்ச பிடிக்காத விஷயம் ?

நான் ஒரு சிடு மூஞ்சி பொசுக் பொசுக் னு கோபம் வரும் .

பிடிச்ச விஷயம் ஒன்னும் இல்ல .

*உங்க சரி பாதிகிட்ட உங்களுக்கு பிடிச்ச ,பிடிக்காத விஷயம் ?

இந்த கேள்வி இப்போ அவசியம் இல்லைனாலும் அவசியம் ஏற்படும் சமயத்தில் இந்த கேள்வியையே நான் மறுதலிக்கிறேன் .

எப்படி அவளை சரி பாதி என்று சொல்லலாம் ஏன் முழுமையே அவளாய் இருக்கும் போது ?

(கொஞ்சம் ஓவராத்தான் போறேனோ ?)

*யார் பக்கத்துல இல்லாம இருக்கறதுக்கு வருந்து ரீங்க ?

அப்பு (எ )தமிழ்வாணன் (நம்ம தோஸ்த்து )

என் எண்ணங்களின் கண்ணாடி அவன் .

* இதை எழுதும் போது என்ன ஆடை அணிந்திருக்கிறீர்கள் ?

அடிக்காத நிறத்தில் மேலும் கீழும் (கிரே )

* என்ன பார்த்து /கேட்டு கொண்டிருக்கிறீர்கள் ?

கந்தசாமி படப்பாடல் "அலேக்கா"

*வர்ண பேனாக்களாக உங்களை மாற்றினால் என்ன நிறமாக மாற ஆசை ?

முன்பு கேட்டிருந்தால் பிங்க் என்றிருப்பேன் .ஆனால் கருப்பை காதலிக்க தொடங்கியதிலிருந்து மற்றவை நிறமற்றவையாகவே தோன்றுகிறது .

ஆதலின் என் திராவிட நிறம் கருப்பாய்மாற .

*பிடித்தமணம்?

மல்லிகை, பெட்ரோலியப்பொருட்களின் மணம்.

*நீங்கள் அழைக்கும் பதிவரின் பெயர் அவரிடம் பிடித்த விஷயம் ,அழைக்க காரணம் ?

அனு(எ) அஸீ , தெரியாததை ஏற்று கொள்ளல் , என் தோழி

*உங்களுக்கு இதை அனுப்பிய பதிவரின் பதிவில் உங்களுக்கு பிடித்த பதிவு ?

அம்புட்டும் (நவாஸ் மற்றும் சக்தி செல்வி )

*பிடித்த விளையாட்டு ?

இந்தியாவின் தலைஎழுத்து (கிரிக்கெட் )

*கண்ணாடி அணிபவரா ?

இல்லை (அதுக்கு இன்னம் டைம் இருக்கு )

*எப்படிப்பட்ட திரைப்படங்கள் பிடிக்கும் ?

மகாநதி ,குணா,ஆயுத எழுத்து ,தேவர் மகன்

உயிர் பிழியும் அனைத்து திரைப்படங்களும்

*கடைசியாக பார்த்த திரைப்படம் ?

தி எந்ஹாந்ஸ்டு (ஒரு ஆங்கிலத்திரைப்படம் .மேஜிக்கல் ரியாலிசம் டைப் படம் மலேசியன் ஏர்போர்ட் ஹோட்டலில் பார்த்தது )

*பிடித்த பருவகாலம் ?

மார்கழி பிடிக்காதவன் மனிதனே இல்லை ,வசந்த காலம் (கோடை )

*என்ன புத்தகம் படித்துக் கொண்டிருக்கிறீர்கள் ?

"ஜேஜே சில குறிப்புகள் " ஆரம்பிச்சிருக்கேன்

*உங்க டெஸ்க்டாப்பில் உள்ள படத்தை எத்தனை நாளைக்கு ஒருமுறை மாற்றுவீர்கள் ?

அது பிரவுசிங் சென்டர் உரிமையாளரின் மனோநிலையை பொறுத்தது .

*பிடித்த/ பிடிக்காத சப்தம் ?

குயில் கூவும் இசை ,இலக்கற்ற நடத்தலில் காதுமடல் வழி குறுகுக்கும் காற்றின் ஒலி ,பெயரற்ற சில பறப்பன சிலவற்றின் சப்தம் .

எண்பது டெசிபலுக்கு மேல் ஒலிக்கும் அனைத்தும் .

*வீட்டை விட்டு சென்ற அதிகபட்ச தொலைவு ?

நான் போறது எப்பவும் அதிக பட்ச தொலைவுதான் (கப்பல் பயணமாகையால்)

(சிங்கை ,தாய்லாந்து , மலேசியா ,இந்தோனேசியா )

*உங்களுக்குள் ஏதாவது தனித்திறமை ?

அப்படீன்னா ???????????

உங்களால் ஏற்றுக்கொள்ள முடியாத ஒரு விஷயம் ?

என் நேர்மையை சந்தேகிப்பவன் யாரை இருந்தாலும் ........

மத்தபடி எல்லாத்தையும் ஏத்துக்கிட்டுதான் ஆகணும்

*உங்களுக்குள் இருக்கும் ஒரு சாத்தான் ?

அட உள்ள என்ன ? நானே பாதி சாத்தான் தான் ,மீதி பாதில ஒரு பாதி மிருகம் மத்த பாதில நான் , கடவுள் இன்ன பிற .

*உங்களுக்கு பிடித்த சுற்றுலா தலம்?

நான் சுத்துற எல்லா தலமும்

*எப்படி இருக்க ஆசை ?

பில்கேட்ஸ் ரேஞ்சுக்கு இல்லைனாலும்

ஒரு அம்பானி பிரதர்ஸ் ரேஞ்சுக்கு !!!!!!!!!

(பணத்தி மீது எனக்கு கட்டற்ற காதல் எனக்கு )

*கணவர் (மனைவி )க்கு தெரியாமல் நீங்க செய்ய நினைக்கும் காரியம் ?

இன்னம் வேளை வரல ஒருவேளை வந்தால்

காதல் உருகி வழியும்

ஒரு பின்னிரவில்

கன்னம் வருடிக்கிடக்குமவள்

கூந்தல் ஒதுக்கி

வண்ண பூச்சி அமர்ந்து எழுந்தார் போல்

அவள் உணராமலேயே

ஒரு முத்தம் . .........மோட்சம் ....................

*வாழ்க்கையைப் பற்றி ஒரு வரி சொல்லுங்க ?

எங்கோ படித்தது

" கையில் குச்சி ஐஸ்

நாவிற்கும் கைக்கும் இடைப்பட்ட தொலைவுதான் வாழ்க்கை "

இந்த பதிவை தொடர தோழி அனுவை அழைக்கிறேன் .

பேச்சுலர் டிகிரி

2009-05-23T00:16:00.000-07:00

ஏதோவொரு காட்சி பிழையின் தீவிரத்திலோ

தனிமையின் முயங்களிலோ

அதுவென்னுள் விழுந்து விட்டது போலும் !

(இதை அனுபவித்திருப்பீர் நீங்கள் )

என்னுள் தன் கிளைகளை

பரப்பி இருந்தது

என்புகள் நொறுங்கி

நரம்புகள் தெறித்துவிடும் போல் !

இழந்து கொண்டிருந்தேன்

அதனாளுமையின் வன்மையில்

வெட்கம் ,பசி இன்னபிற .....

எந்த முனிவனுக்கு தெரியும்

என் ஊசிமுனைத்தவ்ம் ??!!!!!

அங்கங்கள் வழி தீஒழுக

நின்றிருக்கிறானா அவன் ??!!!!

மார்பிலும் முகத்திலும்

மயிர்க்கால்களின் ஆளுமைக்கொண்ட

என்னால் கண்ணாலே

அழைக்கும் எவளுடனோ

அதை விட்டொழிக்க வழியிருந்தும்

கலாச்சார முட்கொம்பிலதை

கொன்று மாட்டி விட்டேன்

இனிமேலும் கொலைக்க

நான் தயாரில்லை

அடியே என்னவளே

எங்கிருந்தேனும் உடனே புறப்பட்டு வா !!

தேர்டு மில்க் அகைன்

2009-05-17T22:25:00.000-07:00

தினவெடுத்த தீநாக்கள்

திரண்டு தழலாய்

அந்த அறை மையத்தில்

பொங்கி வழிந்ததில்

இல்லாதது இருப்பு கொண்டு

இருப்பின் இல்லாததை

ஒன்றையொன்று நிரப்பும்

முயற்சியில் !

பூமியினின்று கழற்றி

கொண்ட அவ்வறை

கட்டற்ற வெப்ப உயர்தலில்

எரிந்து சாம்பலானது !

வெட்ட வெள்ளை வெளியில்

இயங்கியவற்றின்

முயற்சி தீவிரத்தில்

ஒன்று வென்றிருக்கையில்

மற்றொன்று தோல்வியின் விளிம்பில்

வெற்றியை ருசித்துக்கொண்டிருந்தது !!

நெருப்பு நீறு பூக்க

உறங்கத்தொடங்கியது !!...................................

நான் கடவுள் !

2009-05-16T05:28:00.000-07:00

சிவந்தவொரு பிஞ்சு மழலை

மடி புதைந்து குடிக்கும்

காரைப்பற்களுடன் சிரிக்கும்

குறவவிளம் பிச்சைக்காரியிடம்

இருந்தேன்

என்னைத்தேடி வரும்

அவனுக்கு நான் கிட்ட வில்லை

அவள் அங்கச்சதையை ரசித்தபடி

விட்டெறிந்தான் நாணயத்தை

புண்ணியம் ?!!!

பல்ரூபமேடுத்து அலைந்தேன்

அவன் முன்னே

கிழவன் , மூத்திரம் ஒழுகிய

கால்சட்டையுடன் அழும்

குழந்தை ,தல விருட்சம் ,

அழகியலில் உருக்கி

வார்த்த ஒருத்தி ,

ஒழுகும் எச்சிலை

துடைக்கும் சிந்தனையற்ற

பைத்தியக்காரன் என .

மறுதலித்தே விட்டான் போல் !

நெக்குருகி இமை மூடி

குவிந்த கையுயர்த்தி

நான் எனப்படும் எனை

கண்டு விட்டவனாய் !!

உருகி முணுமுணுத்தான்

காறி உமிழ்ந்திருப்பேன்

இயலவில்லை

கல்லுள் அல்லவா

கட்டி போட்டிருக்கிறீர்

என்னை !!

மொழி

2009-05-11T09:09:00.000-07:00

அப்போது நான்

பால்வெளியில்

பயணித்துக்கொண்டிருந்தேன்

எவனோ சொன்ன பொய் கேட்டு

மொழி உறுப்புக்களை த்தேடி

இருளின் ஒளியில் இருளைத்தவிர

வேறொன்றுமில்லை

அங்கிருந்து அறிவுஜீவி

ஆணவக்காரன் உதைத்தலில்

விழுந்து கிடந்தேன்

ஆற்றோர மனித

மல வெச்சங்களுக்கிடை

மலத்தின் அடியில்

தேங்கி செழித்திருந்தன

தேடியவை

நடக்கத்தொடங்கினேன்

திராவிடத் தெருவினூடே

தேடிய தேடாத

காணுதல் அற்ற தேடியவை

உருவுற்று அலைந்தன

பஞ்ச பைசாச ஊடகத்தில்

என்னறையில் நிரப்பும் பொருட்டு

அள்ளி வந்தேன்

"வெற்று கை கொண்டு

நீர் கரை சேர்த்தல் சாத்தியமா ?"

வெற்றாய் வந்து சேர்ந்தேன்

மீண்டும் வெற்றை கொண்டே

நிரப்பத்தொடங்கினேன்

என் மொழியை .....

தேடல்

2009-05-08T22:06:00.000-07:00

அவளைக்காணவில்லை

முற்பகலில் தேடத்தொடங்கினேன்

வெக்கை

வெளியேயும் உள்ளேயும்

முன்னிரவிலும் கிட்ட வில்லை

காலத்துளிகள் இற்று உதிர்ந்து போயின !

பின்னிரவில் நெருப்பாய் தகிக்க

தொடங்கினேன் !!

கருக்கலில் அருகம்புல்லில்

அரும்பிய பனித்துளியொன்றில்

கண்டெடுத்தேன்

இதயத்துசெல்களை

பூக்களாய் புஷ்பிக்க செய்து

அர்ச்சிக்கத் தொடங்குகிறேன்

அவள் கால் சுண்டுவிரலால்

சீண்டப்பட்டு

சிரித்து விழுகின்றன அவை !!!

இதயம் செல் உற்பத்தியில்

சாதனை செய்யும் விதமாய்

உமிழத்தொடங்கியது

பூக்களை !!!!

எங்களை ஒதுக்கித்தள்ளி

ஓடிக்கொண்டிருக்கின்றது

காலவெளி

சிறு ஓடையென !

சட்டென்று நுகர்கிறேன்

அவளை

ஏதோ ஒன்று தூக்கி எறிகிறது

எனை !

அதொரு வெட்ட வெளி

அந்திமம்

ஏதேதோ வாசனைகள்

எண்ணப்பிதற்றல்கள்

இப்போழ்து

என்னைக்காணவில்லை !!!!!!!!!(?)..........................

பார்த்தல்

2009-05-05T04:40:00.000-07:00

முன்நேற்று பார்த்தேன்

கரிய அடரில்

மஞ்சள் நீலமென

மினுக்கின உடுக்கள் .

நேற்று- மாற்றமில

இன்று -பதின் பருவ மீசைஎன அரும்பியிருந்தது !

நாளை - மீசை தடித்திருக்கும் !

பின்பு - கீறிய தேங்காய் சில்லு!

மற்றொருநாள் -யோனியிலிருந்து பனிக்குடம் வெளித்தள்ளினாற்போல்!

வேறொருநாள் - கடித்துப்போட்ட ரொட்டித் துண்டம் !

இன்னொருநாள் - இன்னொரு தருணமென வளர்தலில்

ஒருநாள்

வீங்கி வெடிக்கும் நிலையில்

கர்பஸ்த்ரியாய் வந்து நின்றாள் !!

ஆச்சர்யத்துடன் வந்த கோபத்தில் கேட்டேன்

எவனிடம் முயங்கி இப்படி ஆனாய் ?

பதிலில்லை

எவனென்றே தெரியாமல் போக அப்படி

எத்தனை பேருடன்? முடிக்கவில்லை

அழத்தொடங்கி இருந்தாள்

கட்டற்று போனது வார்த்தை

விபச்சாரியா நீ ??

முகத்தில் தழும்புகள் எவன் பற்தடங்கள் ?

இன்னமும் அழுது கொண்டுதானிருந்தாள்

"உன்னிடம் துய்க்க ஏதுமில்லை எனக்கு "

காரி உமிழ்ந்து துரத்தினேன் .

சில தினங்களில் ஈன்று விட்டாள் போலும் !!

வீக்கமில்லை

மகவு எங்கே ?!! கேட்டேன்

தகப்பன் பெயர் தெரியாத குழந்தை பற்றி

உனக்கேன் இவ்வளவு அக்கறை ?

முகத்தில் அறைந்தார் போல்

"இருட்டில் அறைந்து கொன்று விட்டேன் " என்றாள்

மௌனமாய் திரும்பினேன் .

நோய் பீடித்து விட்டவள் போல்

இளைத்திளைத்து ஒருநாள்

இல்லாமல் இறந்து போனாள்.

நான் நிம்மதியானேன் !

மறுநாள் எதேச்சையாய் திரும்பினேன்

அங்கே எதோ ஓன்று அரும்பியிருந்தது !

நான் குனிந்து கொண்டேன் ...

தாய்மை

2009-05-03T02:16:00.002-07:00

பேரண்ட மௌன

பெண்பாற் துண்டொன்று

என் அறை பிரபஞ்சத்தில்

நிர்வாண மாய் விழுந்தது

ராட்சத பசி போலும்

நடுங்கத்தொடங்கினேன் !

விழுங்கிய அதனால்

நிரம்பிய அறையில்

தனிக்கப்பட்ட என்னுள்

வன்முயக்கம் மூச்சுதிணர

முயங்களில் நொறுங்கி

மார்காம்புகள் முகிழ்த்தன

என்னில்

வலிஎடுக்கத்தொடங்கியது

"என்ன மிருகம் நான் ?

புணரும் போதே பிரசவிக்கிறேன் ?!?!

சிசுக்கள் கிழிக்கத்தொடங்கின

தாய்மை பெண்மைக்கு mattumentru

சொன்னவன் எவன் ?

வெள்ளெருக்கின் முதிர் கனியென

வெடித்து சிதறிய என்னில்

தெறித்து விழுந்த

குருதி தோய் சொற் பிண்டங்கள்

என் தாய்மைக் காம்பில்

உயிர் குடித்தன .

ஆண்மையை புணரி

தாய்மை கொடுக்கும்

பெண்ணிய மௌனம்

அறையின் மூலையில்

தனியாய் நின்று

சிரித்துக்கொண்டிருந்தது .

கடைக்குறள்(ல்)

2009-04-29T17:08:00.000-07:00

சிறு பொறி விழுந்து தனலாதல்

சாத்தியம் தான் போலும் !

எம்மிடை கனன்று கொண்டிருக்கிறது

வார்த்தைகள்

நெருப்புத்துண்டங்கள ?

எரிமலைக்குழம்புகளா?

இருபுறமும் கரிந்து

போகிறது

பருமனில் குறையாதவையே

விழுந்து அழிந்து

முளைத்து க்கொண்டிருக்கின்றன

தடிமன் அதிகமாகிக்கொண்டே போகிறது

தடுத்து நிறுத்தவேண்டும்

ஆண்மைக்கு கொம்புகள்

முளைத்தன

அறைதலில் அவள் கன்னத்தில்

விழுந்த தடத்தோடு

அணைந்து அழிந்து போயின

இனி மௌனம்

பேசத்தொடங்கியது

ஊடிக்கொண்டோம்

சில தினங்கள்

உறக்கத்திலும் கொட்ட கொட்ட

விழித்திருந்து காவற்காத்தது

ஊடல் !

வன்மம் தனிந்தவொரு

பின்னிரவில்

அதை வெளி தள்ளி

கதவை சாத்தினேன்

"சே எவ்வளவு மோசமானவன் நான் ?"

கையை கடிந்து கொண்டேன்

தடம் தேடினேனவள்

கன்னத்தில்

உடைந்துவிட்டாள் போலும்

என்னுள் விழுந்திருந்தாள்

நான் நொறுங்கிஇருந்தேன்

என் நெஞ்சில் விழுந்த

செஞ்ச்சூட்டு துளியொன்று

உயிரின் ஆணிவேருக்கு

பாய்ந்திருந்தது !

இப்போதும் வார்த்தைகள் இருந்தன

ஆனால் ஒலியின்றி!

இதழ்கள் உரச

தேடத்தொடங்கினோம்

மீண்டும் எதையோ !??!!?

"ஊடுதல் காமத்திற்கின்பம் அதற்கின்பம்

கூடி முயங்கப்பெறின் " (வள்ளுவத்தின் கடை க்குறள்)

விளக்கம் வேணுமா ?!!!

திரும்பி செல்க பதிவின் முதல் வரிக்கு .........................

உயிர் குடித்தல்

2009-04-28T06:53:00.001-07:00

அந்த வாகனக்காற்று

அளாவியதில்

தொங்குநிலைஎன் உடல் அசைந்தது

விழிப்புற்றேன்

சோம்பல் முறிய

கொதிக்கும் தார் மணத்தால்

சூழப்பட்டிருந்தேன்

காற்றின் வெக்கை

கை கால் உதைத்தேன் காற்றுவெளியில்

அழத்தொடங்கினேன்

எங்கே அவள் ?

என் உணர்ச்சி புரியாதவளா ?

இல்லையே ?!

என்னுயிரின் வலியையே உணர்பவளாயிற்றே ?!

வருகிறாள் வருகிறாள்

அவளுக்கு இடம் மாற்றப்பட்டேன்

ஊசி முனைத்துவாரவழி

முறிந்த இரத்தத்தை

என்னுள் புகட்டும் ஆயத்தம்

ஆமாம் !

என்னுள் புதைந்த

சுரபி வழி

அவள் உயிர் குடிக்கும் முயற்சியில் நான் !!!!!!!!!

அடிப்பாவி !!!!!!!

உன் வறுமையின் சாரத்தை எல்லாம்

இங்கேயா இறக்கி வைத்திரு க்கிறாய் !!!!!!!!!!!!!!!????????????????????????

சண்டாளி !!!!!!

திரவமே இல்லையேடி

அவளுக்கு எட்டவில்லை

என்னவோ முணுமுணுக்கிறாள் !

"பாவி பயலுவோ இத கூட

கண்ணு வாங்காம "

நான் உயிர் குடிக்கும்

முயற்ச்சியில் தீவிரமாய் இருந்தேன் ...

தேர்டு மில்க் அகைன்

2009-04-26T23:04:00.000-07:00

அந்த இரவின் முன்விடியலில்

விழித்துக்கொண்டது

அந்த ஜீவன் !

என்ன உயிரி இது ?!

எச்சில் ஒழுக

இரையின்முன் நிற்கிறதே !

சந்தேகமே இல்லை மிருகம் தான்

உசுப்பி மிருகமாக்கிக் கொண்டது

உயிர்ச்சதையை

இரையுள் மிருகம்

உயிர்த்தெழ

ஒன்றையொன்று

தின்றும் விழுங்கியும்

எச்சில் அபிஷகம்

அங்கே

இரைக்கு மிருகமாகியும் !

மிருகத்திற்கு இரையாகியும்

இறை (ரை)யை தேடிக்கொண்டிருந்தன

அவை

அந்த இருட்டின் வெளிச்சத்தில்

எதையோ தேடிக்கொண்டிருந்தோம்

நாங்கள் இருவரும் !!!!!!!!!!!!!!!

நிறையழிதல்

2009-04-26T06:51:00.000-07:00

மெல்ல எழுகிறது

அவள் அருவம்

தலையணை அடியிலிருந்து

நீரில் விழுந்த எண்ணைத்துளியாய்

விரவத்தொடங்குகிறது

உள்ளே

உச்சம் தேடும்

அரவங்கலென

பின்னிக்கொள்கிறது

கட்டற்ற காமத்திலும்

கோபத்திலும்

அருவத்தை உருவமாயுற்று

கூடியும் ஊடியும்

தொலைக்கிறேன் !

அறுந்த சிலந்தியின்

எச்சில் கம்பிகளாய்

நினைவு !

உள்ளிருந்து உருவமற்ற

நண்டுகள் சில

இதயத்தை நறுக்க

தொடங்கியதும்

எங்கிருந்தோ விழுந்த

மழைத்துளிகள் இரண்டு

மீண்டும் புறப்படத்தொடங்கியது

கண்களினின்று!!.

இரவிடம் கெஞ்சியவை!

2009-04-24T23:06:00.000-07:00

முன்னிரவில் கெஞ்சத்தொடங்கியிருந்தேன்

அதனிடம்

மடியில் விழுந்த என்னுள்

புகட்டத்தொடங்கியது

அவளை

ஐயோ ! தராதே ,தராதே

(உமிழ்ந்தேன் )

அவள் வஞ்சகி !

அவளின் கொடுங்கோல் ஆட்சியே

இரவின் ஆளுமையில்

பாரபட்சமின்றி என்

இரவை தின்றழிப்பவள்

தூக்கத்தின் ஆணிவேரில்

ஆசிட் ஊற்றுபவள்!

சுயனலச்சூல் கொண்டு

எனை சூறையாடுபவள்!

மறுத்தேன் ;பயனில ;

இறங்கத்தொடங்கிஇருந்தாள் எனுள்

ஆலகாலம் இப்படித்தானிருக்குமோ??!!

என்ன இது விடம் தின்றும்

இவ்வளவு திருப்தி ??!!

ஆமாம் ! அவளிடம் கிடைக்கும்

ஒரே நன்மை இது தானே !!

சர்வாதிகாரச்சிறை அவளின்

ஆளுமைக்குள்

கைமுடங்கிய ஊமையின்

சாட்சியாய் என் உணர்வுகள் !!

பெண்ணடிமை பேசும்

பெரியோர்காள் !

ஆணடிமை கொள்ளும்

இவளை கேட்பது யார் ??!!

பகலின் காதுகளுக்கு

எட்டிவிட்டது போலும் !!!

வாரிசுருட்டி சென்ற

இரவின் கைகளில்

விலங்கிடப்பட்டிருந்தது

அவளின் கை !

அடுத்த முன்னிரவின்

கெஞ்சலுக்கு ஒத்திகை

பார்த்துக்கொண்டேன் !!!!!!!!!!.

யதார்த்தம் !

2009-04-20T02:42:00.000-07:00

இடம் மறுத்தேன் பயனில்லை
பகீரத பிரயத்தனம் வீணானது
காறி உமிழ்ந்து துரத்தினேன்
அவமானம் எனக்கு .
உதைத்துதள்ள
காலை சுற்றியது நாய் குட்டியென
.
.
என்ன செய்யினும்
என் கவிதையினுள்
அமர்ந்து கொள்கிறது
எவனோ எழுதிய
கவிதையின் முதல் வரி !

("நீ காப்பி அடிக்குற" என்று சொல்வது உங்கள் விருப்பம் )

:::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::
இரவு
தொலைக்காட்சி செய்தி
இலங்கைப்போர்
பொது மக்கள் பலி
" உச்"
ரிமோட் உயிர்த்தெழ
"மானாட மயிலாட "
இன்னொரு சேனலில்
:::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::

தேர்டு மில்க் (அ என்பதன் ஆங்கில ஆக்கம் )

2009-04-19T02:27:00.000-07:00

ம்ம் ... தொடங்கு
எங்கிருந்திலும்
(சொல்லித்தர வேண்டுமா என்ன ?!!)
.
.
அட! வெட்கம்
அதுவென் பனித்திரை
கிழித்தெறி !
(தெரியாதா உனக்கு ?!)
.
.
என் செல்களை
சிலிர்த்தெழச்செய்!
(அது உன் கடமை !)
.
.
பிடி இறுக்கு!
உடலுக்கது வலி !
உயிருக்கு ஒத்தடம் !!!!
(வலி எலும்பு மஜ்ஜைக்குள் ஞாபகமிருக்கிறதா ?!)
.
.
மூச்செடுக்க
அவகாசம் தராதே
முத்தமி.....டு................................................
(மூச்சில் வெளியேறிவிடப்போகிறது காமம் ! -ஆதலின் )
.
.
மரபுகளை
உடைத்தெறி !
(அது நமக்கு பெரும் தடை )
.
.
ஏதேச்சதிகாரம்
கையிலெடு !
(உன் அடிமையடா நான் !!!)
.
.
என் உணர்ச்சிகளை
சிதறடி!!
(அது உன் சாமார்த்தியம் !)
.
.

உயிரின் மறுபக்க
தரிசனம் தருவி !
(இது உன் சாகசம் !)
.
.எனையுன் கற்பனையின்
எல்லைவரை எடுத்தாளு !!!
(இந்த உயிர் பொருளின் மீது உனக்கில்லாத
உரிமையும் ஆளுமையும் எவனுக்கு இருக்கிறது ????????????!!!!!!)

பி.கு
கூடல் கலைந்த பொழுதில் கிறுக்கிய ஒருத்தியின்
எண்ணச்சிதறல்கள் இவை .

ச்சும்மா

2009-04-17T02:30:00.000-07:00

நெற்றி சுருக்கி
கண்கள் குறுக்கி
நாசி உயர்த்தி
"அச்" என்று தும்மினாள்
"நச்"என்று விழுந்தது
கவிதை !

பி.கு

"நீ ஓவரா உளருர
தும்மினால் கவிதை வராது வேறேதாவது தான் வரும்" என்று
பின்னுட்டம் இடுபவர்கள் எச்சரிக்கப்படுகிறார்கள் .

இதை மீறியும் பின்னுட்டம் இடுபவர்கள் வீட்டுக்கு ஆட்டோ வரும் என்பதை
கருத்தில் கொள்க .

ஓர் *அஞ்சு =அஞ்சு

2009-04-16T08:06:00.000-07:00

பிரபஞ்சக்காரிருள்

காலப்பெருவெள்ளம்

ஆழப்பெருங்கடல் மௌனம்

பேரண்டப்பெருவெளிக்கெல்லாம்

இடமளிக்கும் கவிதைகளில்

நிலவு பல்லிளிக்கும் ஓட்டைக்குடில்

புழுக்கள் நெளியும் சாக்கடையோரம்

நெடி ஏற்றும் மூத்திரச்சந்து

மீன் கவிச்சி வீசும் திராவிட தெருக்கெல்லாம்

இடமிருப்பதேஇல்லை !

:::::::::::::::::::::::::::::::::::::::::::::::::::::::::::::::::::::::::::::::::::::::::::::::::

குருட்டுப் பிச்சைக்காரனின் கனவு

தாய்ப்பாலுக்கழும் குழந்தை

தாயை இழந்த கன்றின் கதறல்

சுண்டல் விற்கும் சிறுவன்

கழுத்தறுக்கப்படும் ஆட்டின் கதறல்

கள்ளப்பார்வைக்கு கூசும் பெண்மை

இப்படி எழுத எவ்வளவோ இருக்க

மூக்கு சிந்தும் காதல்

கட்டுப்பாடற்ற இயற்கை

மானங்கெட்ட அரசியல்

இவைதாண்டி வர மறுக்கிறது

என் கவிதை .

::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::

எங்கு தொடங்க ?

எப்படி பயணிக்க ?

எதை விட ?

எதை தொட ?

எதை எடுத்தாள ?

எது சுவை ?

எவை அர்த்தமற்றவை ?

எது அர்த்தச்செறிவு?

இப்படி பல கேள்வி களுடன்

தொடங்கி அவளையே அடையும் என் கவிதையென

உச்சத்தில் கலவியும்!!!!!!!!!!

::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::

துண்டிட்டு இடம்பிடிக்கும்

பேருந்துப் பயணிஎன

உனக்கான கவிதைஎன்றவுடன்

வார்த்தைகளும் !!!!!

:::::::::::::::::::::::::::::::::::::::::::::::::::::::::::::::::::::::::::::::::::::::::::::::

சொற்களின் நெரிசல் !

வார்த்தைகளுக்குள் சண்டை !

ஒன்றையொன்று பிய்த்தெறிந்து

கொண்டிருந்தன

நெரிசலில் பிதுங்கி வேப்பங்கொட்டையென

வார்த்தைகள் வெளியே !

எட்டிப்பார்த்தேன் உள்ளே

என் உணர்வு சாவகாசமாய்

மூச்சு விட்டுக்கொண்டிருந்தது !

:::::::::::::::::::::::::::::::::::::::::::::::::::::::::::::::::::::::::::::::::::::::::::::::::

பூக்காரி

2009-04-11T05:07:00.000-07:00

முதலும் முடிவும் அறியா

பிரபஞ்சமென தொடங்குகிறது

அவளோடான தருணம்

எங்கோ கடற்மணலில்

அமர்ந்திருக்கிறோம்

இடையில் மௌனம் சூடிகிடக்கிறது

கடலோ நீர் பூக்களை கரைமேல்

சொரிந்துகொண்டிருந்தது

அவற்றிற்குள் என்ன காதலோ ?

நீலவானச்செடியிலிருந்து

சூரியப்பூ உதிரத்தொடங்கும் தருணம்

மாற்றாய் நிலவமீன் மொட்டுக்கள்

புஷ்பிக்க தொடங்கின

எங்களைச்சுற்றி மனிதபூக்கள்

உதிர்வதும் மலர்வதுமாய்

எம்மிடை மௌனப்பூ உதிர்ந்தது !

வார்த்தை மலர்களை தரும்

உன்னோடு ஒப்பிடுகையில் என் சொற்கள்

முட்களாய் 1

சூடிக்கொண்டாய் முட்களை !

தைத்துகொண்டேன் மலர்களை !

நம்மை விடு இவற்றை

மொழிதன் வீதியில் நட்டு வைத்திருக்கிறது

ஆங்காங்கே ; ரோஜா மலருக்குள் மல்லிகை மனம்

எல்லாமுன் வார்த்தைகள் !

எங்கிலும் பூக்களின் ஆளுமை !

சட்டென்று கலைகிறது நிகழ்வு

பூக்காடுகளை அழைத்துச்சென்று விடுகிறாய்

உன்னுடனே !

முதல் வரிபோல்

முதலும் முடிவும் அறியா

பிரபஞ்சமென மீண்டும் தொடங்கும் .................................

கவிதையும் காமமும்

2009-04-09T04:40:00.000-07:00

எதோ ஒரு புள்ளியில்தான்

விழித்தெழுந்து தொடங்குகிறது

கைகால்களை முளைத்துக்கொள்கிறது

வியாபிக்கிறது உட்புறசுவர்களில்

கிளர்ந்தெழுந்து நிற்கிறது ஊடகத்தைதேடி

அவ்வழி இறங்கியவுடன் வடிந்துவிடுகிறது

கவிதையும் காமத்தைப்போலவே !

அவள்

2009-04-07T17:11:00.000-07:00

அவளை நான் சிறுவயது முதலே அறிகிறேன் .என்னின் எல்லா உணர்ச்சிகளுக்கும் அன்பென்ற ஒன்றையே பரிசாக கொடுத்துக்கொண்டிருக்கிராளே ;இவள் யாராக இருக்ககூடும் ?

எனைப்பிணைத்திருக்கும் அனைத்துறவுகளையும் தூக்கி எறிந்துவிடுகிறதே இவளன்பு ;எப்படி?

என் முகத்திலேயே முழுஉயிரின் சாரத்தை கவர்ந்து விடுகிறாளே !எங்கே படித்தாள் இந்த கலையை ?

அவள் அவளாய்இருக்கும் தருணத்தில் வேறு எவள்களும் அவளாய் மாறி அவளிடத்தை நிரப்பமுடிவதில்லையே அது எதனால் ?

இவளை எழுதும்போது மட்டும் பேனாவோடு சேர்ந்து இதயமும் கசிகிறதே அது ஏன்?

எதெதெற்கோ ஊமையாய் இருந்து விட்டு அவள் சின்னதாய் ஏதோ கேட்டால் எரிந்து விழுகிறேனே அது ஏன் ?

பல ஆயிரம் மைல்களுக்கப்பாலிருந்தாலும் அவளை நினையாமல் ஓரிரவும் துயில முடிவதில்லையே அது ஏன் ?

விரல்கள் பேசுமா ? ஆமென்றாலும் இல்லையென்றாலும் ஏன் தலை கலைக்கும் அவளின் விரல்கள் சொல்லும் சேதி என்ன யாருக்காவது தெரிகிறதா?

இந்த அத்தனை எதனால்களுக்கும் ஏன் ,எப்படிகளுக்கும் ஒரே பதிலை தர அவளால் மட்டுமே முடிகிறதே அது ஏன் ?எப்படி ?எதனால்?

லட்சங்களில் வார்த்தைகளிருக்கும் நம் மொழியில் ஓரிரு இரண்டுமூன்றெழுத்து வார்த்தைகளை மட்டுமே அவளுக்கென்று ஒதுக்கிஇருக்கிறோமே அது ஏன் ???

எப்படி எழுதினாலும் அவளை முழுமையாய் எழுதிவிடமுடிவதில்லையே எது ஏன் ?

"அம்மா " அப்படினா என்ன ?

தெரிஞ்ச யாராவது பதில் சொல்லுங்க .

துலாபாரக்காதல்

2009-04-05T17:26:00.000-07:00

சன்னமாய் நாசியை அடைக்கும்

சாக்கடை மணம் எட்டவில்லை !

மணல்லாரியின் ஏர்ஹாரன் சப்தம்

செவிப்பறையை தொட மறுத்தது !

சட்டைப்பையில் இசையோடு குறுகுறுக்கும்

செல்பேசிஅதிர்வு அடம் பிடித்தது இதயத்துள் செல்ல !

எதிரே வரும் அரசுப்பேருந்து

விழித்திரையோரத்தைக்கூட (என்னத்த சொல்ல )!!

எனைக்கடந்து கொண்டிருந்தது

வண்ண வண்ண சுடிதார்களை சுமந்துமிதந்தபடி

ஒரு மகளிர் கல்லூரிப்பேருந்து!!!!

:::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::

எனைச்சிதை ;

சொற்களால் சூறையாடு ;

வார்த்தைகளால் இதயத்தின்

சுவர்களில் கீறிப்பார்!

அதன் இரத்தச்சுவையறி;

அங்ககீனப்படுத்து ;

குருடாக்கு;

எனை சூன்யமாக்கு ;

அவமானங்களாலென் முகத்திலெழுது;

காலச்சுற்றும் நாய்க்குட்டியென வெனை நினை

எனை எடுத்தாள முழுவுரிமையும் உண்டுனக்கு

ஆனால் வேண்டுமுன் முழுக்காதல்

இவற்றிற்கு துலாபாரச்சமமென .

கற்பனைகாரி(கை)

2009-04-04T17:30:00.000-07:00

அடி கற்பனைக்காரி
என் உணர்வுக்கு உருவம் கொடுத்தவளே !
என் உணர்ச்சியை உறிஞ்சியவளே!

எப்படிச்சொல்வேன் உன்னிடத்தில் இனி உனை சந்திக்க இயலாதென்று ?
..
நீ கொடுத்த சுதந்திரத்தை முழுதாய் விழுங்கியவன் நான் ;
உன்னில் நான் கண்ட இன்பம் எங்கிலும் நான் அறியாதது
புகழ்ச்சிஎன நினையாதே நிதர்சனமிது
உன் ஒவ்வொரு அசைவிலும் எதைஎதையோ உணர்ந்து கொண்டிருக்கிறேன்

கனவில் நுழைந்து பூப்பந்தால் அறைந்து நிலைகுலைச்செய்தவள் நீ

இயல்பியலில் இயலாததை கற்பனாவியலில் சாதித்துக்காட்டியவள் நீ

உன்னோடான ஒவ்வொரு ஊடர்கூடர்பொழுதுகளிலும் புதிதாய் பிறவி எடுத்திருக்கிறேன் .
என்னுள்ளான பெண்மையின் பிரதி பிம்பம் நீ !

என் நேசத்தின் கற்பனா இல்லை இல்லை நிஜ வடிவம் நீ .

இதற்கிடையே அவ்வறையில் கதவு திறக்கப்படும் சப்தம் .
.
.
ஐயோ ஒளிந்து கொள் எதார்த்தம் வருகிறது
டைரியின் இடுக்குகள் வழி தலை நீட்டாதே
நீ பனிமலையின் ஈரத்தென்றால்.
எதார்த்தம் சகாராவின் சூறைக்காற்று .வெம்மைதாளாது உன்னால் .
காகிதங்களில் முடங்கிக்கொண்டது கற்பனைக்காரியின் கைகள் .

எனை எதார்த்தம் பால் சொம்போடு நெருங்கி இருந்தாள்
சில நிமிடங்களில் எனை கேள்விகளாள் தோண்டிக் கொண்டிருந்தாள்
நானும் சளைக்காமல் பதிலிறுத்துக்கொண்டிருந்தேன் ஆசிரியனுக்கு சிறந்த மாணவனென பின் வீட்டிலிருந்து பேங்க் பேலன்ஸ் வரை .

எங்கிருந்தோநுழைந்த சன்னல் வழிக்காற்றில் என் டைரியின் பக்கங்கள் பறந்தன சட்டென்று திரும்பிபார்த்தேன் அங்கே கற்பனைக்காரியின் கண்கள் நீரை சிந்திக்கொண்டிருந்தன .

வி(உ)ழுபவன்

2009-04-03T17:13:00.000-07:00

சொல்லிக்கொள்ளுங்கள் எல்லோரும்

தண்டுவடம் இவனென்று மட்டும் .

"சேற்றில் கால்வைக்கவிட்டால் ......................"

அவன் ஒருபோதும் சொன்னதில்லை .

ஐயோ! தள்ளி அமருங்கள் அவனிடத்தில்

அவன் வேர்வைப் பிணி ஒட்டிக்கொள்ளப்போகிறது !

அவன் பாமரத்தனத்தை கேலிப் பொருளாக்குங்கள் ;

அவன் வெகுளிதனத்தில் உங்கள் அறிவியலைப்புகுத்தி

மண் கற்பை விலை பேசுங்கள் ;

பஞ்ச பூதக்காதல் கலவையவன்

அவனைத்தெருவில் எறியுங்கள் ;

அவன் குழப்பிய செஞ்சேற்றில்

இரும்புக்கம்பிகளைபயிரிடுங்கள்

அதுங்களுக்கு மெர்க்குரிப்பூக்களையும்

கட்டடக்கனிகளையும் பரிசாய்த்தரும்

ஓன்று நிச்சயம்

எங்களவனின் கருக்கரிவாள்களும், மண்வெட்டிக்

கோடலிகளும் ஆதிமனித ஆயுதமென

காட்சியகத்தில் இருக்கும் தருணத்தில்

விண்வெளிப் பயணிஎனவுங்கள்

கொள்ளுப்பேரன்கள் உணவு மாத்திரைகளை

விழுங்கிக்கொண்டிருக்கும் !!!

எதோ ஒன்னு

2009-03-31T17:50:00.000-07:00

புலர்ந்த பொழுது
காலை மணி ஆறு
பால் கறக்கும் சப்தம்
மோர்விற்ற காசு
.
.
கல்லூரி பயணம்
பேருந்தின் முன்னிருக்கை
எவளோ அவளின் பார்வை
கல்லூரி நிறுத்தம்
நண்பர்கள் சுற்றம்
.
.
பதினோரு மணி

தியேட்டர் வாசல்
சிகரெட்டின் நட்பு
.
.
மாலை மணி ஆறு
அவளின் எதிர்பார்ப்பு

அப்பனின் வருகை
சாராய நெடி
.
.
குமுறலான நெஞ்சம்
விழியோரச்சுனை
.
இவன்மேலான நம்பிக்கை
வாரிக்கொண்ட தூக்கம்
.
மீண்டும் புலர்ந்த பொழுது...............................

:::::::::::::::::::::::::::::::::::::::::::::::::::::::::::::::::::::::::::::::::::::::::
குறிப்புகள் கதையாகவோ ,கவிதையாகவோ மாறும் சாத்தியமுண்டா ?
ஆம் பதிலெனில்

அதில் இதுவும் "எதோ ஓன்று"

நட்புடன்
பாலா

கிறக்கம்

2009-03-29T17:33:00.000-07:00

அதொரு முன்னிரவு
கழுத்தளவு திரவம் நிரம்பிய புட்டி
தலைகிள்ளிஎறிகிறேன்
தொண்டைகுழி,நெஞ்சின்வழி
உள்நுழைகிறது எரிச்சலோடு
உதடு மரத்துப்போனது
முகத்தில் நீர் பருக்கள்
சிறுமூளை செயலிழக்க
கேள்விக்குறியின் தலைபாகமெனவென் தலை
.
.
எழுந்து நடக்கிறேன்
புவிப்பந்து கால்களிவிட்டு கழன்று!
வானம் வசப்பட்டது !
இயல்பு கைநழுவியது
எதிரே திரவம் கீழ்நோக்கிப்பயணப்பட்டிருந்தது !
.
.
அழுகிறேன் எதையோ நினைத்து
காமத்தி போதை தலைக்கனமாய்
.
விழுந்து படுக்கிறேன்
கனவில் காமத்தின் தாண்டவம்
.
.
விடியல்
முன்னாளைக்காணவில்லை
வாழ்வு போன அந்திமத்திலிருந்து பிடுங்கி
எனை இன்று நட்டிருந்தது !!
இதற்கிடைப்பட்டத்தருணம்
"வாழாவெட்டியாய்" நின்றிருந்தது என்னைப்போலவே ..

:::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::
பேட்டா:
இதொரு குடிகாரனின் நினைவுதப்பிய புலம்பலென நினைவோர்
போதையை தெளியவைக்க முயலலாம் ,
இயலாதோர் ஒரு குவாட்டர் எம் .சி பார்சல் செய்யலாம் எனக்கு வித் சைடு டிஷோடு .

உங்கள் அன்பை மறவாதவன்
பாலா .

சும்மா டைம் பாஸுக்கு!

2009-03-25T17:19:00.000-07:00

மேளஒலி ,மல்லிகை மனம் ; திருவிழா

ஈரத்தென்றல்,மண்வாசம் ;ஊர்

பள்ளிக்கூடம் கடக்கையில் ; படித்தகாலம்

முட்டிகால் தழும்பு ; சைக்கிள் பழக்கம்

இப்படி எவைஎல்லாமோ எவற்றுக்கோ

நினைவுச்சின்னமாய் இருக்க !

உன்மேலான சின்னமாய் இருக்கிறது

நான் அழுது கட்டிய கண்ணீர் மூட்டைகள்!

:::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::

பதிவேற்றிவிட்டு பின்னுஉட்டத்திற்கு

காத்திருக்கும் பதிவர்போல !

என் காதலைஎல்லாமுன் காலடியில் கொட்டிவிட்டு

thavamirukkirenadi உன் ஒற்றை சொல்லிற்கும் ,கண்ணசைவிற்கும்!!

:::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::

இதோ விழுந்துவிட்டது

கைகாலசைத்து சிரிக்கிறது

ஏதோ சொல்ல எத்தனிக்கிறது !

"அட அப்பன் சாடை "

"அம்மா போல மூக்கு"

"கொள்ளு பாட்டன் கண்ணு"

கடைசிவரை அது சொல்வதை எவனும்

முழுதாய் புரிந்துகொள்ளப்போவதில்லை !

குழந்தையைப்போலவே கவிதையையும் !!!!

:::::::::::::::::::::::::::::::::::::::::::::::::::::::::::::::::::::::::::::::::::::::::::::::::

பச்சைக்கைகளால் டைரியின் பக்கங்களில்

என் பிஞ்சுமகன் கிறுக்கிய கோடுகளுக்கு நடுவே

நொண்டியாய் nintru கொண்டிருந்தது என் கவிதை !!!!!!!!!!!!!!!!!!!!!!!!!

:::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::

அத்தானென்றுஅழைக்கவோ ஒருத்தி இல்லை

நெருக்கத்தை உணர வைக்க உறவுமில்லை

அத்தை என்ற அத்தைக்குரியவளாய் இல்லை

ஆனாலும் ஒவ்வொருமுறை கிளம்பும்போதும்

ஈர்ப்பு வந்து ஏறிக்கொள்கிறது !!!!!!

மாமன் வீட்டுக்கு !

::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::

இந்திய எதிர்காலம் நாங்கள் !

2009-03-21T14:59:00.000-07:00

ஏனெனில்

சட்டம் பயிலுவோம்
கையோடு
அதை கொலைசெய்வோம்
இந்திய எதிர்காலம் நாங்கள் !

ஒவ்வொரு இந்திய தலைமேலான உலகவங்கியின்
கடனெவ்வளவென்று தெரியாதெமக்கு
சிவாஜி,தசாவதாரங்களின் உள்,வெளிநாட்டு
வசூல் தெரியும் !
இந்திய எதிர்காலம் நாங்கள் !

முத்துகுமாரனைப்பற்றி மூன்று நாளே நினைத்திருப்போம்
"எந்திரன்" வெளியீட்டுக்காய் இரண்டு வருடம் காத்திருப்போம்
இந்திய எதிர் காலம் நாங்கள் !

அத்தியாவசிய பொருட்களின் விலைதெரியாதெமக்கு
ஆபாச வெப்சைட்களின் அட்ரெஸ் மனப்பாடம் !
இந்திய எதிகாலம் நாங்கள் !

அரசியல் தெரியாதெமக்கு ;
இறங்கும் துணிவும்இல்லை ;
அரசியல் சாக்கடை என்று வாய்கிழிய பேசுவோம் !
ஏனெனில் இந்தியர்கள் நாங்கள்
இந்திய எதிர் காலம் நாங்கள் !

ஓட்டுரிமை மறந்திருப்போம்
வலைப்பூவில் யார் நம்பர் ஒன் ? நடிகர் , நடிகை என
வாக்குப்பெட்டி வைக்க மறந்ததில்லை
இந்திய எதிர்காலம் நாங்கள் !

நமீதாவின் உயரம் ,எடை இன்னபிற அளவுகள் தெரியும் !
இன்றைய இந்திய பணவீக்க விகிதம் தெரியாது
இந்திய எதிர்காலம் நாங்கள் !

முகம் தெரியா எவனு (ளு) டனோ
மூன்று மணி நேரம் "மொக்கை "
"சாட்டிங் " என்ற பெயரில் ;
நேரத்தின் அருமையுணர்ந்த
இந்திய எதிர்காலம் நாங்கள் !

எங்களிடம் தரப்பட்ட எதிர்கால இந்தியாவை
நிகழ்கால சிதைவுகளுடன் அடுத்த தலைமுறைக்கு
ஒப்புக்கொடுபோம்
இந்திய எதிர்காலமாம் நாங்கள் !????????????